Бізнес-навіны

Залаты запас Беларусі за 2018 год вырас на 1 т да 41,2 т

28 студзеня, Мінск /Кар. БЕЛТА/. Залаты запас Беларусі за 2018 год вырас на 1 т і на 1 студзеня 2019 года склаў 41,2 т. Такая інфармацыя размешчана на сайце Нацыянальнага банка, паведамляе БЕЛТА.

Залаты запас - гэта каштоўныя металы ў выглядзе банкаўскіх зліткаў, якія знаходзяцца ў веданні Нацбанка і з'яўляюцца часткай Дзяржаўнага фонду каштоўных металаў і каштоўных камянёў Беларусі.

"Наяўнасць залатога запасу падтрымлівае давер рэзідэнтаў і нерэзідэнтаў Беларусі да здольнасці Нацыянальнага банка і ўрада выконваць свае фінансавыя абавязацельствы і праводзіць манетарную палітыку", - гаворыцца ў паведамленні.

Таксама каштоўныя металы могуць быць выкарыстаны пры неабходнасці шляхам іх продажу, абмену або выкарыстання ў разліках.

Каштоўнасці залатога запасу захоўваюцца ў Цэнтральным сховішчы Нацыянальнага банка і размяшчаюцца на рахунках і ў дэпазітах за мяжой.

версія для друку

зрабіць стартавай

дабавіць у выбранае