Бізнес-навіны

У Казань пастаўлена 39 тралейбусаў МАЗ трэцяга пакалення

19 снежня, Мінск /Кар. БЕЛТА/. 39 новых тралейбусаў МАЗ 303Т пастаўлена ў Казань - цяпер у аўтапарку сталіцы Татарстана з улікам мінулагодняй пастаўкі 64 тралейбусы МАЗ трэцяга пакалення, паведамілі БЕЛТА ў прэс-службе прадпрыемства.

Усяго З 2007 года ў горад паступіла 850 адзінак пасажырскай тэхнікі вытворчасці Мінскага аўтамабільнага завода. Як удакладнілі на прадпрыемстве, абмяркоўваюцца перспектывы пастаўкі аўтобусаў трэцяга пакалення ў 2025 годзе.

Мінскі аўтазавод - флагман аўтамабілебудаўнічай галіны Беларусі. Прадпрыемства спецыялізуецца на выпуску грузавой, пасажырскай, прычапной і спецыяльнай тэхнікі. Кампанія выпускае каля 500 мадэлей і мадыфікацый бартавых і паўнапрывадных аўтамабіляў, самазвалаў, шасі, цягачоў, лесавозаў, прычэпаў і паўпрычэпаў, кранаў, спецтэхнікі, каля 15 мадэлей аўтобусаў, тралейбусаў, электробусаў.

версія для друку

зрабіць стартавай

дабавіць у выбранае