Бізнес-навіны

У Беларусі сабралі амаль 10,8 млн тон збожжа з улікам рапсу і кукурузы

Фота з архiва

12 лістапада, Мінск /Кар. БЕЛТА/. У Беларусі сабралі амаль 10,8 млн тон збожжа з улікам рапсу і кукурузы, паведамілі БЕЛТА ў прэс-службе Мінсельгасхарча.

"Паводле аператыўных даных на 12 лістапада, з палёў краіны намалочана 10 765 тыс. т збожжа разам з рапсам і кукурузай. Гэта на 750 тыс. т больш, чым на аналагічную дату мінулага года", - расказалі ў прэс-службе.

У разрэзе абласцей атрымана: у Мінскай - 2673 тыс. т, Брэсцкай - 2175 тыс. т, Гродзенскай - 2109 тыс. т, Гомельскай - 1377 тыс. т, Магілёўскай - 1361 тыс. т, Віцебскай - 1070 тыс. т.

Збожжавыя і зернебабовыя культуры з кукурузай убраны з 98 працэнтаў плошчаў, што складае 2246 тыс. га. Сярэдняя ўраджайнасць збожжа (з кукурузай) складае 43,4 ц/га, што вышэй за мінулагоднюю на 5,3 ц/га.

Нарыхтавана льнотрасты 206 тыс. т, ураджайнасцю вышэйшай за мінулагоднюю на 11,6 ц/га.

Кукуруза на сілас і зялёны корм убрана больш як з 100 працэнтаў плошчаў, што складае 1033 тыс. га. Нарыхтавана сенажу 14 029 тыс. т (больш за 100 працэнтаў плана), сіласу - 19 829 тыс. т (96 працэнтаў плана), травяных кармоў - 9703 тыс. т кармавых адзінак (97 працэнтаў плана).

Цукровыя буракі ўбраны з 98 працэнтаў плошчаў, або 104 тыс. га. Накапана 5620 тыс. т караняплодаў. Ураджайнасць вышэйшая за мінулагоднюю на 49 ц/га. На буракапрыёмныя пункты вывезена 77 працэнтаў ад накапаных буракоў, што складае 4313 тыс. т.

Усяго агародніны, вырашчанай у адкрытым грунце, сабрана 229 тыс. т, што на 75 тыс. т больш, чым на гэту ж дату мінулага года. Засеяныя плошчы складаюць больш як 8 тыс. га, ужо ўбрана 99 працэнтаў.

Узарана пад зябліва 971 тыс. га, што складае 68 працэнтаў ад плана 1432 тыс. га.

Сады раскарчаваны на плошчы 2049,3 га, што складае 104 працэнты ад плана 1970 га.

версія для друку

зрабіць стартавай

дабавіць у выбранае