Бізнес-навіны

У Беларусі плануюць урэгуляваць пытанне вяртання грошай турыстам за пуцёўкі

Фота з архiва

30 красавіка, Мінск /Кар. БЕЛТА/. У Беларусі плануюць урэгуляваць пытанне вяртання грошай турыстам за пуцёўкі. Аб гэтым паведаміў сёння журналістам першы намеснік прэм'ер-міністра Дзмітрый Крутой, перадае карэспандэнт БЕЛТА.

Многія беларускія турысты забраніравалі пуцёўкі, але не змаглі паехаць у сувязі з сітуацыяй у свеце з-за пандэміі каранавіруса. На пытанне, як плануецца ўрэгуляваць механізм вяртання ім сродкаў, Дзмітрый Крутой адказаў: "Такі нарматыўны прававы акт распрацоўваецца. Мы некалькі разоў сустракаліся з нашымі вядучымі асацыяцыямі, якія аб'ядноўваюць кампаніі турыстычнай галіны. Для іх гэта пытанне цяпер вельмі важнае і балючае".

Паводле слоў першага віцэ-прэм'ера, цяпер складана гаварыць аб канкрэтных параметрах і нормах, што будуць закладзены. "Грошы, якія нашы турысты заплацілі за пуцёўкі ва ўмовах ранняга браніравання, цяпер знаходзяцца ў канчатковых бенефіцыяраў у Турцыі, Егіпце і іншых краінах, закрытых у сувязі са строгімі каранціннымі мерамі. Трэба зразумець фінансавую схему, калі яны змогуць вярнуць грошы, а нашы турыстычныя кампаніі - аператыўна разлічыцца з людзьмі. Гэты момант з'яўляецца ключавым, і мы цяпер яго адпрацоўваем, у тым ліку з прыцягненнем банкаўскіх структур", - адзначыў ён.

версія для друку

зрабіць стартавай

дабавіць у выбранае