Бізнес-навіны

У Беларусі намалочана 10,4 млн тон збожжа з улікам рапсу і кукурузы

Фота з архiва

3 лістапада, Мінск /Кар. БЕЛТА/. У Беларусі намалочана 10,4 млн т збожжа з рапсам і кукурузай, паведамілі БЕЛТА ў прэс-службе Мінсельгасхарча.

"Паводле аператыўных даных на 3 лістапада, з палёў краіны намалочана 10 400 тыс. тон збожжа разам з рапсам і кукурузай. У разрэзе абласцей сабрана: у Мінскай - 2572 тыс. т, у Брэсцкай - 2100 тыс. т, у Гродзенскай - 2027 тыс. т, у Магілёўскай - 1338 тыс. т, у Гомельскай - 1303 тыс. т, у Віцебскай - 1060 тыс. т", - расказалі ў прэс-службе.

Збожжавыя і зернебабовыя культуры з кукурузай убраны з 95 працэнтаў плошчаў, што складае 2190 тыс. га. Сярэдняя ўраджайнасць збожжа (з кукурузай) складае 42,9 ц/га, што вышэй за мінулагоднюю на 5 ц/га.

Нарыхтавана льнотрасты 197 тыс. т, ураджайнасць вышэйшая за мінулагоднюю на 12,9 ц/га.

Кукуруза на сілас і зялёны корм убрана з 98 працэнтаў плошчаў, што складае 1 млн га. Нарыхтавана сенажу 13 922 тыс. т (99 працэнтаў плана), сіласу - 19 212 тыс. тон (93 працэнты плана), травяных кармоў - 9506 тыс. т кармавых адзінак (95 працэнтаў плана).

Цукровыя буракі ўбраны з 86 працэнтаў плошчаў, або 92 тыс. га. Накапана 4802 тыс. т караняплодаў. Ураджайнасць вышэйшая за мінулагоднюю на 41 ц/га. На буракапрыёмныя пункты вывезена 77 працэнтаў ад накапаных буракоў.

Усяго агародніны, вырашчанай у адкрытым грунце, сабрана 186 тыс. т. Засеяныя плошчы складаюць больш як 8 тыс. гектараў, ужо ўбрана 93 працэнты.

Узарана пад зябліва 656 тыс. га, што складае 46 працэнтаў ад плана 1432 тыс. га.

версія для друку

зрабіць стартавай

дабавіць у выбранае