Бізнес-навіны

У Беларусі намалацілі больш за 8,3 млн тон збожжа

Фота з архiва

27 жніўня, Мінск /Кар. БЕЛТА/. У Беларусі намалацілі больш за 8,3 млн т збожжа, паведамілі БЕЛТА ў прэс-службе Міністэрства сельскай гаспадаркі і харчавання.

Паводле аператыўных даных на 27 жніўня, на палях краіны намалочана 8 млн 357 тыс.т збожжа разам з рапсам.

Уклад у агульны каравай кожнай вобласці: Мінская - 2,109 млн т, Гродзенская - 1,679 млн т, Брэсцкая - 1,663 млн т, Магілёўская - 1,126 млн т, Гомельская - 995 тыс. т, Віцебская - 785 тыс. т.

Збожжавыя і зернебабовыя культуры без кукурузы ўбраны з 91 працэнта плошчаў, што складае 2,192 млн га.

Сярэдняя ўраджайнасць збожжа вышэйшая за мінулагоднюю на 8,4 ц/га.

Харчовага збожжа пастаўлена ў лік дзяржзаказу 574 тыс. т - 82 працэнты ад плана.

Пасеяна азімага рапсу на зерне на плошчы 436 тыс. га, або больш за 100 працэнтаў ад запланаванага.

Лён выцераблены на 44 тыс. га, што складае 91 працэнт запланаваных плошчаў.

Нарыхтавана сена 394 тыс. т (55 працэнтаў плана), сенажу - 12 млн 384 тыс. т (89 працэнтаў), у тым ліку ў палімернай упакоўцы - 404 тыс. т.

Травяных кармоў нарыхтавана 3 млн 816 тыс. т - 38 працэнтаў плана.

Бульбы ў краіне накапана ўжо больш за 33 тыс.т. Сярэдняя ўраджайнасць вышэйшая за мінулагоднюю на 89,1 ц/га.

версія для друку

зрабіць стартавай

дабавіць у выбранае