Бізнес-навіны

Турчын: фінансавая сістэма - найважнейшы элемент у любой дзяржаве

20 сакавіка, Мінск /Кар. БЕЛТА/. Фінансавая сістэма - найважнейшы элемент у любой дзяржаве. Аб гэтым заявіў прэм'ер-міністр Беларусі Аляксандр Турчын на пасяджэнні калегіі Міністэрства фінансаў, перадае карэспандэнт БЕЛТА.

"Фінансавая сістэма - найважнейшы элемент у любой дзяржаве. Ад таго, як працуе фінансавая сістэма, шмат у чым залежыць тое, як функцыянуе і дзяржава ў цэлым, і эканоміка ў прыватнасці", - падкрэсліў Аляксандр Турчын.

На пасяджэнні калегіі Міністэрства фінансаў з удзелам прэм'ер-міністра разгледзяць вынікі выканання бюджэту за 2024 год і задачы фінансавых органаў на 2025 год.

Як паведаміў журналістам міністр фінансаў Юрый Селіверстаў, бюджэт Беларусі ў 2024 годзе выкананы збалансавана, у першыя два месяцы 2025 года дэфіцыту бюджэту таксама не назіраецца.

версія для друку

зрабіць стартавай

дабавіць у выбранае