Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

11 Dec 2018

Тавараабарот Беларусі і Казахстана па выніках года павінен наблізіцца да $1 млрд

Тавараабарот Беларусі і Казахстана па выніках года павінен наблізіцца да $1 млрд

11 снежня, Мінск /Аліна Грышкевіч - БЕЛТА/. Тавараабарот Беларусі і Казахстана па выніках года павінен наблізіцца да $1 млрд. Аб гэтым сёння, адказваючы на ​​пытанне карэспандэнта БЕЛТА, паведаміў на прэс-канферэнцыі Надзвычайны і Паўнамоцны Пасол Казахстана ў Беларусі Ермухамет Ертысбаеў.

Ён адзначыў, што гандлёва-эканамічнае супрацоўніцтва паміж краінамі развіваецца даволі эфектыўна, але пакуль не дасягнута пастаўленая на вышэйшым узроўні задача пераадолець паказчык узаемнага тавараабароту ў памеры $1 млрд. Паводле слоў дыпламата, за 10 месяцаў бягучага года гэты паказчык дасягнуў $700 млн, пры гэтым сальда дадатнае на карысць Беларусі.

На думку Ермухамета Ертысбаева, вялікі імпульс у развіцці беларуска-казахстанскага супрацоўніцтва надаў візіт Прэзідэнта Казахстана Нурсултана Назарбаева ў Мінск у лістападзе мінулага года. Тады адбыўся і беларуска-казахстанскі бізнес-форум, у час якога падпісана пяць камерцыйных мемарандумаў і пагадненняў на суму $73,4 млн, якія датычацца паставак сельгастэхнікі, самазвалаў і камунальнай тэхнікі.

Пасол падкрэсліў, што многія дамоўленасці ўжо рэалізаваны, што адзначалася і ў час праведзенага ў лістападзе бягучага года ў Мінску 14-га пасяджэння міжурадавай беларуска-казахстанскай камісіі па гандлёва-эканамічным супрацоўніцтве з удзелам дзяржорганаў і прадстаўнікамі бізнесу дзвюх краін. На гэтай сустрэчы былі падведзены вынікі работы за год, а таксама намечаны новыя перспектыўныя напрамкі ўзаемадзеяння паміж Беларуссю і Казахстанам.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі