Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

21 Nov 2018

Тавараабарот Беларусі і Карэліі ў студзені-верасні вырас на 22,7 працэнта

Тавараабарот Беларусі і Карэліі ў студзені-верасні вырас на 22,7 працэнта
Фота Міністэрства лясной гаспадаркі

21 лістапада, Мінск /Кар. БЕЛТА/. Тавараабарот Беларусі і Карэліі (РФ) у студзені-верасні 2018 года склаў $19,9 млн і ў параўнанні з аналагічным перыядам 2017 года павялічыўся на 22,7 працэнта. Аб гэтым ішла размова ў час пасяджэння рабочай групы па развіцці супрацоўніцтва паміж Беларуссю і Карэліяй, паведамілі БЕЛТА ў прэс-службе Міністэрства лясной гаспадаркі.

Беларускі экспарт у Карэлію за дзевяць месяцаў 2018 года склаў $14,1 млн (вырас у 2,3 раза), імпарт - $5,8 млн. Аснову экспарту сёння складаюць пастаўкі грузавых аўтамабіляў, артапедычных прыстасаванняў для лячэння переломаў, пратэзаў, свежай і замарожанай садавіны, цукру, абутку з верхам з натуральнай скуры, мукі, шын, кузаваў для аўтамабіляў.

Міністр лясной гаспадаркі Віталь Дрожжа ўзначальвае беларускую частку рабочай групы. У час пасяджэння ён падкрэсліў, што эканамічны патэнцыял Беларусі і Карэліі дае магчымасць істотна пашырыць узаемаадносіны, захоўваючы пры гэтым іх збалансаванасць. Паводле яго слоў, Беларусь можа не толькі забяспечыць Карэлію многімі відамі прадуктаў харчавання, але і аказаць падтрымку ва ўмацаванні сельскагаспадарчай галіны. У прыватнасці, размова ідзе аб забеспячэнні аграпрамысловага комплексу Карэліі неабходнай сельскагаспадарчай тэхнікай і прадукцыяй тэхнічнага прызначэння (даільнае абсталяванне, сельскагаспадарчая тэхніка). "Мы прапануем таксама разгледзець магчымасць удзелу беларускіх арганізацый у праекціраванні і будаўніцтве жывёлагадоўчых ферм, агароднінасховішчаў з выкарыстаннем высакаякасных беларускіх тэхналогій і будаўнічых матэрыялаў. Перспектыўным напрамкам можа стаць і ўзаемадзеянне ў сферы рыбаперапрацоўкі", - адзначыў міністр.

Таксама перспектыўнымі з'яўляюцца пастаўкі беларускай тэхнікі: кар'ерных і грузавых аўтамабіляў для прадпрыемстваў горнапрамысловага профілю Карэліі, тэхнікі для лесапрамысловага комплексу, пасажырскага транспарту, сельскагаспадарчых, дарожна-будаўнічых і камунальных машын. Бакі прапрацоўваюць магчымасці актывізаваць супрацоўніцтва і па іншых напрамках.

Па выніках пасяджэння адобраны праект плана мерапрыемстваў па развіцці супрацоўніцтва паміж Беларуссю і Карэліяй на 2019-2021 гады.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі