У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Крс 2017

Сямашка: Беларусь і Расія да 2025 года зблізяць цэны на газ

4 красавіка, Мінск /Кар. БЕЛТА/. Беларусь і Расія да 2025 года зблізяць цэны на газ, заявіў намеснік прэм'ер-міністра Беларусі Уладзімір Сямашка ў вячэрнім эфіры тэлеканала "Беларусь 1", паведамляе БЕЛТА.

Паводле ацэнкі Уладзіміра Сямашкі, у 2017 годзе эканамічны эфект ад урэгулявання нафтагазавых пытанняў складзе для Беларусі амаль $500 млн, у 2018 і 2019 гадах - прыкладна па $800 млн.

"Задача стаіць, каб прыйсці ў рэшце рэшт да 1 студзеня 2025 года да аднолькавай або вельмі блізкай цаны газу для Беларусі, да той цаны, якая ёсць у Расіі. Прынамсі, у тых расійскіх рэгіёнах, якія мяжуюць з Беларуссю (Смаленская, Бранская вобласці), у Вялікім Ноўгарадзе, Маскве", - адзначыў Уладзімір Сямашка.

Як паведамлялася, Расія адновіць пастаўкі нафты ў Беларусь у аб'ёме 24 млн т у год не пазней за 13 красавіка. Такі аб'ём расійскай нафты будзе пастаўляцца штогод да 2024 года ўключна. "Да 2019 года ўключна 18 млн т з агульнага аб'ёму будзе накіроўвацца на перапрацоўку на НПЗ. Для нас гэта абсалютна прымальна, гэта выгадна для заводаў. Яшчэ 6 млн т будуць ператаможвацца - мы прымянілі такі тэрмін, не буду паглыбляцца ў тонкасці, але важна, што пошліны ад гэтай ператаможкі будуць паступаць у бюджэт Беларусі", - растлумачыў віцэ-прэм'ер. Акрамя таго, з Беларусі знята абавязацельства пастаўляць у Расію 1 млн т нафтапрадуктаў у год.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс