Бізнес-навіны

"Сфера больш чым перспектыўная". Лукашэнка аб важнасці лакалізацыі і кааперацыі на канкрэтным прыкладзе

Фота з архiва

18 снежня, Мінск /Кар. БЕЛТА/. Прэзідэнт Беларусі Аляксандр Лукашэнка ў Пасланні беларускаму народу і парламенту ўказаў на крытычную важнасць лакалізацыі і кааперацыі і прывёў у прыклад дрэваапрацоўчую галіну, перадае карэспандэнт БЕЛТА.

Прэзідэнт указаў на неабходнасць лакалізацыі і кааперацыі ў вытворчасці. Ён адзначыў, што зрабіць абсалютна ўсё немагчыма, але неабходна рацыянальна выкарыстоўваць патэнцыял супрацоўніцтва з усімі партнёрамі. "Аб'ядноўваць вытворчыя кампетэнцыі, вырашаць задачы па ключавых тэхналогіях - крытычна важна", - заявіў Аляксандр Лукашэнка.

"У нас ёсць паспяховы вопыт рэалізацыі імпартазамяшчальных праектаў з Расійскай Федэрацыяй - ад мікраэлектронікі, авіябудавання да лакалізацыі аўтамабільных кампанентаў і вузлоў. Нямала агульных задумак у партнёрстве з Кітайскай Народнай Рэспублікай", - сказаў кіраўнік дзяржавы.

Аляксандр Лукашэнка прывёў прыклад цэлюлозна-папяровай прамысловасці, у якой рэалізуецца шэраг праектаў. "Сфера больш чым перспектыўная, дзе расце інтарэс іншых міжнародных ігракоў. Мы можам і павінны яго задаволіць. У нашай лясістай Беларусі сыравіны - драўніны - пад такія праекты хапае. Таму ўсе лясгасы павінны быць забяспечаны айчыннай шматфункцыянальнай лесанарыхтоўчай тэхнікай і пастаўляць на перапрацоўку не менш як 25 млн куб.м круглай драўніны штогод", - паставіў задачу Прэзідэнт.

версія для друку

зрабіць стартавай

дабавіць у выбранае