Еўрапейскія гульні-2019 у Мінску
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Крс 2016

Рапота: Саюзная дзяржава гатова правесці аналіз цаны расійскага газу для Беларусі

10 красавіка, Екацерынбург /БЕЛТА-ТАСС/. Саюзная дзяржава Беларусі і Расіі гатова правесці аналіз цаны газу, што пастаўляецца "Газпрамам" у Беларусь, калі будзе такая неабходнасць. Аб гэтым паведаміў у Екацярынбургу дзяржсакратар Саюзнай дзяржавы Рыгор Рапота.

"Мы гатовы правесці аналіз. Гатовы паглядзець на гэта разам з федэральнымі органамі ўлады, але пакуль ідзе тое, што мы называем "торг", - сказаў ён. - Ніякіх пакуль пытанняў з боку суб'ектаў гаспадарання і федэральных органаў улады няма. Калі будуць, мы разгледзім".

Як удакладніў дзяржсакратар, Саюзная дзяржава будзе ўдзельнічаць у перагаворах, толькі калі ў аднаго з бакоў узнікне неабходнасць паставіць пытанне ў юрыдычную плоскасць - прыняць нейкае пагадненне або ўнесці карэктывы. "Тады мы ўключаемся. Да таго часу мы не ўключаемся", - сказаў ён, адказваючы на пытанне аб удзеле Саюзнай дзяржавы ў працэсе абмеркавання цаны на газ.

Рыгор Рапота адзначыў, што дагавор паміж "Газпрамам" і Беларуссю прадугледжвае аднолькавыя ўмовы для суб'ектаў гаспадарання. "Гэта, напэўна, і ёсць асноўны матыў у абмеркаваннях цэнавых параметраў. Парушаецца гэты прынцып або не парушаецца. Калі парушаецца - уносяцца карэктывы, калі не парушаецца - значыць, застаецца так, як ёсць", - сказаў ён.

Прэм'ер-міністр Беларусі Андрэй Кабякоў лічыць справядлівай цану на расійскі газ $80 за 1 тыс. кубаметраў. Раней у інтэрв'ю агенцтву РІА Навіны наконт гэтага ён заявіў: "Што датычыцца прыроднага газу, то яго цана ў пачатку 2014 года складала $165 за тыс. кубаметраў. Гэта было пры курсе расійскага рубля 32-33 за долар. На 1 студзеня 2015 года ў нас цана на газ стала $142. Пры гэтым долар стаў каштаваць больш за 60 расійскіх рублёў. Лагічна, што газ павінен ужо каштаваць каля $80, а ў нас $142".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс