Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Май 2016

Іран і Беларусь плануюць стварыць зборачную вытворчасць БелАЗаў

4 мая, Мінск /Васіль Малашэнкаў - БЕЛТА/. Беларускі і іранскі бакі абмяркоўваюць пытанне стварэння зборачнай вытворчасці БелАЗаў у Іране, паведаміў сёння журналістам міністр прамысловасці Беларусі Віталь Воўк па выніках пасяджэння беларуска-іранскай камісіі па пытаннях эканамічнага супрацоўніцтва, перадае карэспандэнт БЕЛТА.

У Іране ўжо дзейнічае вытворчасць Мінскага аўтамабільнага завода, на якім выпускаюцца грузавікі і самазвалы, плануецца стварэнне вытворчасці аўтобусаў. "Таксама мы разглядаем пытанне стварэння зборачнай вытворчасці БелАЗаў. Усё будзе залежаць ад рынку. Галоўнае, каб былі заказчыкі", - растлумачыў Віталь Воўк.

Старшыня іранскай часткі змешанай камісіі, міністр прамысловасці, шахт і гандлю Махамад Рэза Нематзадэ адзначыў, што падпісаная сёння дарожная карта па развіцці супрацоўніцтва паміж Беларуссю і Іранам на 2016-2017 гады павінна надаць імпульс супрацоўніцтву ў розных напрамках, у тым ліку ў прамысловасці. Два разы ў год намеснікі міністраў прамысловасці будуць сустракацца і кантраляваць выкананне дасягнутых дамоўленасцей. "Спадзяёмся, што да канца 2017 года будуць рэалізаваны ўсе сённяшнія дамоўленасці", - сказаў Махамад Рэза Нематзадэ.

Адказваючы на пытанні журналістаў, Віталь Воўк адзначыў, што дарожная карта развіцця супрацоўніцтва датычыцца машынабудавання, хімічнай прамысловасці, фармацэўтыкі і іншых сфер. Бакі зацікаўлены і ў большым развіцці кааперацыі. Акрамя гэтага, бакі дамовіліся аб павелічэнні аб'ёмаў узаемнага тавараабароту ў разы, але канкрэтных лічбаў міністр пакуль не назваў. Па выніках 2015 года ўзаемны тавараабарот склаў $70,2 млн, а ў студзені-сакавіку 2016 года - $6,4 млн.

Махамад Рэза Нематзадэ запэўніў, што іранскі бок зацікаўлены ў прыходзе інвестараў у сваю горназдабыўную прамысловасць. Ён падкрэсліў, што для замежных інвестыцый няма ніякіх абмежаванняў. Пастаянна праводзяцца тэндары па продажы актываў у горназдабыўной сферы.

Акрамя дарожнай карты бакі, у прыватнасці, падпісалі сёння рабочую праграму на 2016-2017 гады па супрацоўніцтве ў галіне стандартызацыі і сертыфікацыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі