Бізнес-навіны

Рагачоўскі МКК у 2020 годзе пашырыў экспарт за кошт паставак на новыя рынкі чатырох краін

Фота з архiва

8 лютага, Гомель /Кар. БЕЛТА/. У 2020 годзе Рагачоўскі МКК пашырыў экспартныя напрамкі прадукцыі за кошт ўмацавання пазіцый на існуючых рынках, а таксама выхаду на новыя, паведамляе БЕЛТА са спасылкай на сайт прадпрыемства.

Паводле ацэнкі спецыялістаў, для ААТ "Рагачоўскі МКК" 2020 год стаў прадукцыйным для развіцця экспарту і асваення новых рынкаў збыту. "Складаныя знешнія ўмовы не перашкодзілі стварыць дадатковыя магчымасці для павелічэння рэалізацыі прадукцыі ў краіны блізкага і далёкага замежжа. Асноўнымі тэндэнцыямі знешнеэканамічнага развіцця прадпрыемства сталі: нарошчванне паставак на ўжо асвоеныя рынкі, такія як Расія, Казахстан, Азербайджан, Арменія, Украіна, Ізраіль, ЗША, а таксама выхад на новыя рынкі ААЭ, Сінгапура, Паўднёвай Карэі і Афганістана", - расказалі на Рагачоўскім МКК. Упершыню ў мінулым годзе натуральнамалочная прадукцыя камбіната з'явілася на такіх рынках, як Казахстан, Афганістан і Туркменістан.

У 2020 годзе таксама быў пашыраны асартымент прадукцыі, якая пастаўляецца на рынкі далёкага замежжа, дзе спажыўцы па вартасці ацанілі згушчанае малако з дабаўленнем какавы, кавы і цыкорыі.

"Улічваючы тое, што спажыўцы робяць выбар на карысць бяспечнай і натуральнай прадукцыі, ёсць усе падставы меркаваць, што і ў далейшым прадукцыя камбіната будзе заваёўваць новыя рынкі і з'явіцца на паліцах магазінаў у многіх краінах свету", - падкрэслілі на прадпрыемстве.

Рагачоўскі МКК заснаваны ў 1938 годзе. Цяпер выпускае больш за 80 відаў прадукцыі. З'яўляецца адным з буйнейшых высокатэхналагічных вытворцаў малочных кансерваў, прадуктаў дзіцячага харчавання, натуральнамалочнай прадукцыі, сыроў і масла на тэрыторыі СНД.

версія для друку

зрабіць стартавай

дабавіць у выбранае