Бізнес-навіны

Праекты па ірыгацыі зямель і механізацыі АПК. Беларусь і Кенія намячаюць шляхі развіцця супрацоўніцтва

Фота Пасольства Рэспублікі Беларусь у Рэспубліцы Кенія

19 лютага, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Кенія Дзмітрый Красоўскі сустрэўся з намеснікам міністра сельскай гаспадаркі і развіцця жывёлагадоўлі Кеніі Джонатанам Муеке. Аб гэтым карэспандэнту БЕЛТА паведамілі ў беларускай загранустанове ў Кеніі.

Сустрэча адбылася ў кенійскім Міністэрстве сельскай гаспадаркі. Кіраўнік беларускай дыпламатычнай місіі і намеснік кіраўніка аграрнага ведамства Кеніі абмеркавалі перспектыўныя напрамкі супрацоўніцтва паміж дзвюма краінамі ў галіне сельскай гаспадаркі, уключаючы жывёлагадоўлю і ветэрынарыю.

Акрамя таго, размова ішла пра магчымасць удзелу беларускіх прадпрыемстваў у нацыянальных праектах механізацыі сельскай гаспадаркі і ірыгацыі зямель.

Кіраўніку кенійскага ведамства было перададзена запрашэнне на выстаўку "Белагра-2026", якая пройдзе ў горадзе Мінску 2-6 чэрвеня 2026 года.

версія для друку

зрабіць стартавай

дабавіць у выбранае