Бізнес-навіны
Прадстаўнікі вядучых французскіх кампаній наведаюць Беларусь 23-28 красавіка
24 красавіка, Мінск /Кар. БЕЛТА/. Пасольства Беларусі ў Францыі арганізавала візіт шэрага французскіх кампаній у Беларусь 23-28 красавіка для правядзення сустрэч па пытаннях гандлёва-эканамічнага і інвестыцыйнага супрацоўніцтва. Аб гэтым БЕЛТА паведамілі ў пасольстве.
Мінск наведаюць прадстаўнікі кіраўніцтва такіх транснацыянальных карпарацый, як Sanofi, Vinci, Accor, Leroy Merlin, вядучай інжынірынгавай кампаніі Cifal, будаўнічай кампаніі Sarl Perez, кінапрадзюсарскай кампаніі B Tween production. Агульны гадавы абарот гэтых кампаній складае каля 100 млрд еўра", - расказалі ў пасольстве.
Плануецца, што прадстаўнікі французскага бізнесу правядуць сустрэчы і перагаворы ў Савеце Міністраў Беларусі, міністэрствах транспарту, аховы здароўя, культуры, а таксама Мінгарвыканкаме па пытаннях супрацоўніцтва ў сферах будаўніцтва, транспарту, аховы здароўя, фармацэўтыкі і кінавытворчасці.
Візіт французскіх кампаній у Беларусь праходзіць у развіццё перагавораў і дамоўленасцей, дасягнутых у рамках Беларуска-французскага бізнес-форуму, які адбыўся 12-13 лютага 2015 года.
версія для друку
зрабіць стартавай
дабавіць у выбранае