Бізнес-навіны
Патэнцыял беларускай энергетычнай галіны прэзентаваны польскім кампаніям у Варшаве
15 мая, Мінск /Кар. БЕЛТА/. Патэнцыял беларускай энергетычнай галіны прэзентаваны польскім кампаніям у Варшаве. Прэзентацыя адбылася на дзелавой сустрэчы па пытаннях развіцця беларуска-польскага супрацоўніцтва ў галіне энергетыкі, паведамілі БЕЛТА ў прэс-службе МЗС Беларусі.
Ініцыіраваная і арганізаваная беларускай дыпмісіяй сустрэча прайшла ў пасольстве ў Варшаве. З прывітальным словам у адрас удзельнікаў сустрэчы звярнуўся пасол Беларусі ў Польшчы Аляксандр Авяр'янаў.
Цікавасць да праблематыкі мерапрыемства пацвердзіла колькасць удзельнікаў сустрэчы - каля 80 прадстаўнікоў польскіх энергетычных кампаній, якія спецыялізуюцца на ўзвядзенні, рамонце, кансервацыі і сэрвісным абслугоўванні энергетычных аб'ектаў. З беларускага боку ў сустрэчы прынялі ўдзел прадстаўнікі ДВА "Белэнерга", а таксама падведамных яму кампаній: ААТ "Белэнергарамналадка", РУП "Белэнергабуд", ААТ "Захадэлектрасеткабуд", РУП "Белэнергасеткапраект", а таксама кансалтынгавай кампаніі REVERA.
У ходзе мерапрыемства адбылася прэзентацыя патэнцыялу беларускай і польскай энергетычнай галіны, абмеркаваны ўмовы ўдзелу беларускіх спецыялістаў у рэалізацыі праектаў на тэрыторыі Польшчы, інвесціравання польскіх кампаній у Беларусі. Удзельнікі сустрэчы абмяняліся кантактнай інфармацыяй і вызначылі далейшыя крокі па развіцці супрацоўніцтва.
версія для друку
зрабіць стартавай
дабавіць у выбранае