Бізнес-навіны

Пасол Турцыі: мы гатовы дапамагаць прасоўванню тавараў беларускага харчпрама на нашым рынку

Фота прэс-службы "Белдзяржхарчпрама"

24 студзеня, Мінск /Кар. БЕЛТА/. Надзвычайны і Паўнамоцны Пасол Турцыі ў Беларусі Гючлю Джэм Ышык у час рабочай сустрэчы ў канцэрне "Белдзяржхарчпрам" пацвердзіў гатоўнасць дапамагаць прасоўванню прадукцыі беларускага харчпрама на турэцкім рынку, паведамілі БЕЛТА ў прэс-службе канцэрна.

Старшыня "Белдзяржхарчпрама" Алег Жыдкоў, расказаў турэцкаму паслу аб рабоце прадпрыемстваў канцэрна і адзначыў вялікі патэнцыял для ўзаемнага гандлю паміж Беларуссю і Турцыяй. Было падкрэслена, што назначаны кіраўніком дзяржавы 14 студзеня Надзвычайны і Паўнамоцны Пасол Беларусі ў Турцыі Анатоль Глаз надасць новы імпульс узаемадзеянню паміж нашымі краінамі.

Згадаў Алег Жыдкоў і пра ўдзел Мінскага завода пеністых він у Міжнароднай гандлёвай выстаўцы прадуктаў харчавання і напіткаў "Anfas Food Product 2025" у Антальі, дзе таксама будзе прадстаўлена прадукцыя "МІНСК КРЫШТАЛЬ". Прысутнасць нашых тавараў на выставачнай пляцоўцы, паводле слоў кіраўніка канцэрна, будзе садзейнічаць больш шырокаму знаёмству спажыўцоў Турцыі з прадукцыяй беларускіх прадпрыемстваў.

Гючлю Джэм Ышык у сваю чаргу акцэнтаваў увагу на тым, што ў ходзе апошняй сустрэчы прэзідэнтаў абедзвюх краін была пастаўлена задача па нарошчванні тавараабароту і заяўлена планка $1,5 млрд. У 2023 годзе сукупны тавараабарот перасягнуў $2 млрд. У хуткім часе будуць падведзены вынікі работы ў 2024 годзе, аднак ужо цяпер спадар пасол выказаў упэўненасць, што паказчыкі акажуцца даволі высокімі.

"Мы гатовы аказваць садзейнічанне прасоўванню вашай прадукцыі на рынку Турцыі. Будзем дапамагаць у вырашэнні ўсіх узнікаючых пытанняў", - запэўніў дыпламат.

версія для друку

зрабіць стартавай

дабавіць у выбранае