Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

21 Лют 2018

Інвестыцыі ў асноўны капітал БелАЭС у 2017 годзе выраслі амаль на 40 працэнтаў

21 лютага, Мінск /Кар. БЕЛТА/. Інвестыцыі ў асноўны капітал Беларускай АЭС у 2017 годзе выраслі амаль на 40 працэнтаў. Такая інфармацыя прыводзіцца ў матэрыялах прэс-службы Міністэрства энергетыкі да падагульняючай калегіі міністэрства, паведамляе БЕЛТА.

Аб'ём інвестыцый у асноўны капітал склаў Br1,68 млрд, тэмп росту ў параўнанні з 2016 годам - 139,5 працэнта. Сярэдняя колькасць будаўніча-мантажнага персаналу, занятага на аб'ектах атамнай электрастанцыі, - 4 950 чалавек.

За 2017 год зманціравана 17 тыс. т арматуры і ўкладзена 101 тыс. куб. м бетону. Будаўніча-мантажныя работы ішлі на ўзвядзенні першага і другога энергаблокаў Беларускай АЭС, а таксама на агульнастанцыйных аб'ектах. У цэлым работы вяліся на 123 аб'ектах БелАЭС.

Устаноўлены карпусы рэактараў, парагенератары і іншае абсталяванне двух энергаблокаў. Завершана зварка галоўнага цыркуляцыйнага трубаправода энергаблока нумар 1. Вядзецца мантаж турбаагрэгатаў, цеплатэхнічнага і электратэхнічнага абсталявання.

Па Дзяржаўнай інвестыцыйнай праграме ў 2017 годзе ўведзены ў эксплуатацыю чатыры жылыя дамы ў Астраўцы, ваенны гарадок для аховы АЭС. Прадаўжаецца будаўніцтва сямі жылых дамоў у Астраўцы.

Беларуская АЭС будуецца па тыпавым расійскім праекце АЭС-2006 новага пакалення "3+" паблізу Астраўца (Гродзенская вобласць). Першы энергаблок плануецца ўвесці ў эксплуатацыю ў 2019 годзе, другі - у 2020-м.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі