Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

26 Mar 2020

Нацбанк прыме дадатковыя меры для павышэння магчымасцей банкаў падтрымліваць рэальны сектар

Нацбанк прыме дадатковыя меры для павышэння магчымасцей банкаў падтрымліваць рэальны сектар
Фота з архiва

26 сакавіка, Мінск /Кар. БЕЛТА/. Нацыянальны банк прыме дадатковыя меры для павышэння магчымасцей банкаў па аказанні фінансавай падтрымкі рэальнаму сектару эканомікі. Аб гэтым паведамілі БЕЛТА ва ўпраўленні інфармацыі і грамадскіх сувязей Нацбанка.

У прыватнасці, да 31 снежня 2020 года ўключна банкам прадастаўляецца права прымяняць значэнне кансервацыйнага буфера капіталу ў памеры 2,25 працэнтнага пункта.

Частка мер можа прымяняцца пры класіфікацыі актываў, схільных да крэдытнай рызыкі, і фарміраванні спецыяльных рэзерваў.

Так, спецыяльныя рэзервы на пакрыццё магчымых страт па актывах, схільных да крэдытнай рызыкі, і ўмоўных абавязацельствах у замежнай валюце банкі могуць фарміраваць у беларускіх рублях па афіцыйным курсе, устаноўленым Нацбанкам адносна адпаведнай замежнай валюты на 1 сакавіка 2020 года.

Банкам прадастаўляецца права адносіць запазычанасць па актывах, схільных да крэдытнай рызыкі, і ўмоўныя абавязацельствы ў замежнай валюце да забяспечаных, недастаткова забяспечаных і незабяспечаных без уліку патрабаванняў да пакрыцця сум узнагароджанняў (працэнтаў, камісійных і іншых аналагічных узнагароджанняў), якія неабходна выплаціць на працягу 12 месяцаў.

Ёсць магчымасць адносіць забеспячэнне, атрыманае па актывах, схільных да крэдытнай рызыкі, і ўмоўных абавязацельствах у замежнай валюце, да высакаякаснага забеспячэння без уліку патрабаванняў да пакрыцця сум узнагароджанняў (працэнтаў, камісійных і іншых аналагічных узнагароджанняў), якія неабходна выплаціць на працягу 12 месяцаў, у тым ліку налічаных і якія падлягаюць выплаце ў бягучым месяцы.

Банкі таксама могуць ацэньваць якасць і дастатковасць забеспячэння, атрыманага ў выглядзе залогу па актывах, схільных да крэдытнай рызыкі, і ўмоўных абавязацельствах у замежнай валюце, без уліку патрабаванняў да перыядычнасці правядзення такой ацэнкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі