У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

23 Жнв 2017

Нацбанк Беларусі з 13 верасня зніжае стаўку рэфінансавання да 11,5 працэнта гадавых

23 жніўня, Мінск /Кар. БЕЛТА/. Праўленне Нацыянальнага банка Беларусі прыняло рашэнне аб зніжэнні з 13 верасня стаўкі рэфінансавання з 12 працэнтаў да 11,5 працэнта гадавых, паведамілі БЕЛТА ва ўпраўленні інфармацыі і грамадскіх сувязей Нацбанка.

Стаўкі па пастаянна даступных і двухбаковых аперацыях падтрымкі ліквіднасці банкаў знізяцца з 14 працэнтаў да 13 працэнтаў гадавых.

Фактычная інфляцыя прадаўжае змяншацца. У жніўні 2017 года ў гадавым выражэнні прырост спажывецкіх цэн ацэньваецца на ўзроўні крыху ніжэйшым за 6 працэнтаў, базавая інфляцыя - каля 5 працэнтаў у гадавым выражэнні.

Знаходжанне на працягу доўгага часу тэмпаў прыросту спажывецкіх цэн у вузкім дыяпазоне (6-6,5 працэнта) адлюстроўвае ўстойлівасць працэсаў запаволення інфляцыі і даволі высокую верагоднасць яе захавання на такім узроўні ў бліжэйшыя месяцы. Пры гэтым значных рызык для паскарэння росту цэн з боку манетарных фактараў, а таксама плацежнага балансу і валютнага рынку ў сярэднетэрміновай перспектыве не прасочваецца.

Тэмпы росту грашовага прапанавання застаюцца ўмеранымі (прырост сярэдняй шырокай грашовай масы ў ліпені 2017 года ў гадавым выражэнні склаў 7,8 працэнта) і адпавядаюць попыту эканомікі на грошы на фоне аднаўлення дзелавой актыўнасці (валавы ўнутраны прадукт за студзень-ліпень вырас на 1,1 працэнта).

Паляпшэнне сальда знешняга гандлю (за студзень-чэрвень склалася на ўзроўні $0,4 млрд) і збалансаванасці плацежнага балансу садзейнічае захаванню на валютным рынку чыстага прапанавання замежнай валюты і падтрыманню стабільнасці абменнага курса беларускага рубля.

У цэлым чакаецца, што па выніках 2017 года прырост спажывецкіх цэн не перавысіць 7 працэнтаў. Магчымасці далейшага паступальнага зніжэння працэнтных ставак у эканоміцы будуць вызначацца верагоднасцю і велічынёй рэалізацыі інфляцыйных рызык, стрымліваючых дасягненне сярэднетэрміновай мэты па інфляцыі (не больш за 5 працэнтаў у 2020 годзе).

Стаўка рэфінансавання зніжаецца ў Беларусі сёмы раз з пачатку года. Так, з 18 студзеня яна знізілася з 18 працэнтаў да 17 працэнтаў гадавых, з 15 лютага - да 16 працэнтаў гадавых, з 15 сакавіка - да 15 працэнтаў гадавых, з 19 красавіка - да 14 працэнтаў гадавых, з 14 чэрвеня - да 13 працэнтаў гадавых, з 19 ліпеня - да 12 працэнтаў гадавых.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс