Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Май 2015

Нарвегія, Фінляндыя, Швецыя і Беларусь намячаюць напрамкі супрацоўніцтва ў галіне ядзернай бяспекі

27 мая, Мінск /Кар. БЕЛТА/. Кіраўнікі рэгулюючых органаў у галіне ядзернай і радыяцыйнай бяспекі краін - удзельніц Паўночнага Савета (Нарвегіі, Фінляндыі і Швецыі) з 27 па 29 мая наведваюць Беларусь для сустрэчы з экспертамі адпаведнай сферы. Аб гэтым БЕЛТА паведамілі ў аддзеле камунікацый і грамадскай інфармацыі Дэпартамента па ядзернай і радыяцыйнай бяспецы МНС (Дзяржатамнагляд).

"У цэнтры ўвагі ўдзельнікаў візіту - пытанні аварыйнай гатоўнасці і рэагавання на надзвычайныя сітуацыі ядзернага і радыяцыйнага характару. Плануецца, што ў час візіту будуць вызначаны магчымыя напрамкі супрацоўніцтва паміж рэгулюючымі органамі паўночных краін і Беларуссю ў гэтым напрамку", - расказалі спецыялісты.

Дэлегацыя прыме ўдзел у сустрэчы з кіраўніцтвам Міністэрства па надзвычайных сітуацыях, азнаёміцца з дзейнасцю Рэспубліканскага цэнтра кіравання і рэагавання на надзвычайныя сітуацыі. Еўрапейскія эксперты таксама наведаюць пляцоўку будаўніцтва Беларускай АЭС у Астраўцы і сустрэнуцца з кіраўніцтвам і спецыялістамі Дзяржатамнагляду.

Паўночны Савет - афіцыйны міжпарламенцкі орган паўночнага рэгіёна. Утвораны ў 1952 годзе. У Савет уваходзяць 87 прадстаўнікоў Даніі, Фінляндыі, Ісландыі, Нарвегіі, Швецыі, Фарэрскіх астравоў і вострава Эланда. У кампетэнцыю Паўночнага Савета ўваходзяць пытанні абароны навакольнага асяроддзя і прыродных рэсурсаў (уключаючы забеспячэнне бяспечнага выкарыстання атамнай энергіі), прамысловасці, культуры, адукацыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі