Бізнес-навіны

На беларускім рынку з'явіліся "сярэбраныя" і "плацінавыя" аблігацыі

Фота БВФБ

22 кастрычніка, Мінск /Кар. БЕЛТА/. На беларускім рынку з'явіліся "сярэбраныя" і "плацінавыя" аблігацыі. Аб гэтым паведаміў на прэс-канферэнцыі старшыня праўлення ААТ "Беларуская валютна-фондавая біржа" Андрэй Аўхіменя, перадае карэспандэнт БЕЛТА.

У Беларусі з'явіліся два новыя інструменты, прывязаныя да металаў, - гэта "сярэбраныя" і "плацінавыя" аблігацыі. Летам гэтага года на беларускім рынку з'явіўся першы выпуск "залатых" аблігацый. "Інвестары, якія ў іх уклаліся, атрымалі добры даход, таму эмітэнт вырашыў прадоўжыць выпуск папер, што прывязаны да фізічнага каштоўнага металу і ўжо сёння стартавалі таргі аблігацыямі, прывязанымі да серабра і плаціны", - расказаў Андрэй Аўхіменя.

"Плацінавыя" аблігацыі прывязаны да 1 гр плаціны, а "сярэбраныя" - да 100 г серабра. Пры гэтым можна атрымаць яшчэ купон на даход - 0,001 працэнта. "Рост даходаў па гэтых паперах захоўваецца для інвестараў. Самі каштоўныя металы таксама паказваюць рост, паколькі яны выкарыстоўваюцца не толькі як каштоўны метал, але і як тэхнічны", - звярнуў увагу ён.

Так, серабро запатрабавана як інвестыцыйны інструмент і як прамысловая сыравіна. Метал актыўна выкарыстоўваецца ў сектарах з высокім патэнцыялам росту, такіх як сонечная энергетыка, вытворчасць электрамабіляў, высокапрадукцыйная электроніка і тэхналогіі штучнага інтэлекту. Плаціна ж - адзін з самых рэдкіх і тэхналагічна значных каштоўных металаў. Плаціна запатрабавана ў зялёнай эканоміцы: пры вытворчасці вадародных паліўных элементаў, у каталізатарах, сістэмах прамысловай аўтаматызацыі.

Кошт будзе фарміравацца зыходзячы з кошту, які ўстанаўлівае Нацыянальны банк ва ўліковым кошце каштоўнага металу.

Намінальны кошт "сярэбраных" аблігацый складае Br471, "плацінавых" - Br157,21. Тэрмін іх абарачэння - 5 гадоў. У першы ж дзень таргоў адбылося больш за 12 здзелак.

версія для друку

зрабіць стартавай

дабавіць у выбранае