Бізнес-навіны

МТЗ і казахстанскі KamLit падпісалі пагадненне аб кааперацыйным узаемадзеянні

Фота з архiва

17 кастрычніка, Мінск /Кар. БЕЛТА/. Мінскі трактарны завод і казахстанскае ТАА KamLit падпісалі пагадненне аб кааперацыйным узаемадзеянні, паведамляе карэспандэнт БЕЛТА са спасылкай на беларускае пасольства ў Казахстане.

Надзвычайны і Паўнамоцны Пасол Рэспублікі Беларусь у Рэспубліцы Казахстан Аляксей Багданаў і беларуская дэлегацыя на чале з генеральным дырэктарам ААТ "МТЗ" Сяргеем Аўраменкам 15 кастрычніка пабывалі ў г. Кастанай, дзе наведалі два вялікія машынабудаўнічыя заводы. У прыватнасці, "Машынабудаўнічы завод МТЗ-Казахстан", што спецыялізуецца на вытворчасці трактароў пад брэндам "Беларус", і ТАА KamLit, які вырабляе запасныя часткі да спецыяльнай і аўтамабільнай тэхнікі.

"Па выніках перагавораў з ТАА KamLit бакі дамовіліся аб устанаўленні кааперацыйных сувязей і адпрацоўцы пытанняў вытворчасці на казахстанскім прадпрыемстве запчастак для "Машынабудаўнічага завода МТЗ-Казахстан" і МТЗ. Практычным крокам стала падпісанне пагаднення аб кааперацыйным узаемадзеянні паміж Мінскім трактарным заводам і KamLit", - расказалі ў пасольстве.

Акрамя таго, беларуская дэлегацыя наведала ТАА "Гандлёвы дом Беларускі Трактар" у Астане і ТАА "Казахстанская Агра Інавацыйная Карпарацыя" ў Какшэтау. Дэлегацыя азнаёмілася з вытворчымі працэсамі і правяла перагаворы з кіраўніцтвам гэтых устаноў. Бакі акцэнтавалі ўвагу на пытаннях далейшага нарошчвання вытворчасці і пашырэння на казахстанскім рынку трактароў "Беларус", а таксама на падрыхтоўцы да чарговага пасяджэння беларуска-казахстанскага Савета дзелавога супрацоўніцтва, якое запланавана на 6 лістапада 2025 года ў Астане.

версія для друку

зрабіць стартавай

дабавіць у выбранае