Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

14 Jan 2020

Мінфін Беларусі будзе тэхнічна гатовы да размяшчэння еўрабондаў на $1-1,2 млрд у I квартале

Мінфін Беларусі будзе тэхнічна гатовы да размяшчэння еўрабондаў на $1-1,2 млрд у I квартале
Максім Ермаловіч. Фота з архіва

14 студзеня, Мінск /Кар. БЕЛТА/. Мінфін Беларусі будзе тэхнічна гатовы да размяшчэння еўрабондаў у I квартале, паведаміў сёння журналістам міністр фінансаў Максім Ермаловіч, перадае карэспандэнт БЕЛТА.

"Усё ідзе згодна з планам, мы чакаем, што зможам у бліжэйшы час выйсці на рынкі еўрааблігацый, - сказаў Максім Ермаловіч. - Аднак тэхнічная гатоўнасць да выпуску будзе дасягнута ў I квартале, а мэтазгоднасць выхаду на рынак мы будзем вызначаць зыходзячы з яго стану".

"Усё залежыць ад таго, якой будзе агульнасусветная сітуацыя, якімі будуць стаўкі на рынку. Адпаведна, будзем прымаць рашэнне аб выхадзе на рынак зыходзячы з гэтага. Але тэхнічна падрыхтавацца да гэтага мы павінны ў самыя кароткія тэрміны", - дадаў міністр.

Мінфін ужо вызначыўся з банкамі-арганізатарамі і юрыдычнымі кансультантамі па выпуску еўрабондаў.

Што датычыцца аб'ёмаў размяшчэння, то Мінфін арыентуецца на закладзены ў бюджэце аб'ём размяшчэння дзяржаблігацый на знешнім рынку $1 млрд 350 млн за вылікам планавых пазык на расійскім рынку. "Мы арыентуемся на $1-1,2 млрд, але ўсё будзе вызначацца станам рынку і стаўкамі, альтэрнатывамі прыцягнення рэсурсаў, у залежнасці ад гэтага будзем прымаць рашэнне па аб'ёмах", - сказаў Максім Ермаловіч.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі