Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Mar 2020

Мінфін ацэньвае ўплыў нафтавага фактару на бюджэт Беларусі

Мінфін ацэньвае ўплыў нафтавага фактару на бюджэт Беларусі
Фота з архiва

10 сакавіка, Мінск /Кар. БЕЛТА/. Міністэрства фінансаў Беларусі цяпер ацэньвае ўплыў нафтавага фактару на бюджэт, паведаміў сёння журналістам намеснік міністра фінансаў Дзмітрый Кійко, перадае карэспандэнт БЕЛТА.

"Цяпер робім ацэнку. Яна вядзецца з пачатку бягучага года, паколькі дамоўленасці з нафтай пакуль не вызначаны, мы працуем у такім рэжыме", - адзначыў Дзмітрый Кійко.

Паводле слоў намесніка міністра, ацэнка ўплыву на бюджэт будзе падрыхтавана, калі вызначацца ўсе ўмовы па гандлі нафтай і, у прыватнасці, паставак з Расійскай Федэрацыі.

Адказваючы на пытанне, за кошт чаго прафіцыт рэспубліканскага бюджэту ў студзені сфарміраваўся ў памеры Br0,9 млрд, Дзмітрый Кійко растлумачыў: гэтаму садзейнічала паступленне падаткаў за папярэдні перыяд. "У студзені былі даходныя паступленні, звязаныя з дзейнасцю 2019 года. Паколькі ў нас падаткі выплачваюцца ў наступным перыядзе, то студзеньскія паступленні звязаны са снежаньскай актыўнасцю суб'ектаў гаспадарання", - удакладніў ён.

Як паведамлялася, беларускія НПЗ у студзені і лютым працавалі на загрузцы 50 працэнтаў і перапрацавалі каля 1,8 млн т нафты. Аб'ём паставак у сакавіку складзе каля 1 млн т нафты, на НПЗ будзе перапрацоўвацца нафта, купленая ў азербайджанскай кампаніі Socar, а таксама сыравіна ад трэйдараў і пяці невялікіх расійскіх кампаній і "Сафмара".

Ва ўмовах скачкоў цэн на сусветным нафтавым рынку канцэрн "Белнафтахім" ацэньвае сітуацыю для прыняцця далейшых рашэнняў аб закупках. Напярэдадні сусветныя цэны на нафту рэзка знізіліся пасля таго, як краіны ОПЕК+ па выніках перагавораў у Вене не змаглі дамовіцца аб дадатковым скарачэнні здабычы нафты ва ўмовах спаду попыту з-за каранавіруса. У бюджэт Беларусі на 2020 год закладзена цана нафты маркі Urals $60 за бараль.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі