Бізнес-навіны

Мядзведзева: у топе экспартных продажаў - сыры, сметанковае масла, малако і вяршкі

Фота з архiва

8 красавіка, Мінск /Кар. БЕЛТА/. У 2025 годзе Беларусь паставіла на знешні рынак тавараў на больш як $41 млрд. Аб гэтым у інтэрв'ю часопісу "Эканоміка Беларусі" расказала старшыня Нацыянальнага статыстычнага камітэта Іна Мядзведзева.

За мінулы год экспарт беларускай прадукцыі павялічыўся на 2,6 працэнта да ўзроўню 2024 года.

"Пастаўкі прадуктаў харчавання і сельскагаспадарчай сыравіны на знешні рынак аказалі значны ўплыў на фарміраванне экспарту, - адзначыла Іна Мядзведзева. - У топ-3 па кошце - сыры і тварог, сметанковае масла, малако і вяршкі згушчаныя і сухія. Акрамя таго, вырасла адгрузка вырабаў хімічнай прамысловасці, тэкстылю, драўніны, гарбарнай сыравіны".

У 2025 годзе Беларусь падтрымлівала знешнегандлёвыя сувязі са 196 краінамі свету, тавараабарот з якімі дасягнуў $89,8 млрд і ў параўнанні з 2024-м павялічыўся на 4,3 працэнта. На краіны СНД прыпала 65,3 працэнта тавараабароту.

версія для друку

зрабіць стартавай

дабавіць у выбранае