Бізнес-навіны

Мазырскі НПЗ плануе ў красавіку павялічыць аб'ёмы перапрацоўкі нафты

19 красавіка, Мінск /Кар. БЕЛТА/. ААТ "Мазырскі НПЗ" скарэкціраваў вытворчы план красавіка ў бок павелічэння аб'ёмаў перапрацоўкі нафты, паведамілі БЕЛТА на прадпрыемстве.

Паводле даных прадпрыемства, усе тэхналагічныя аб'екты - у нармальным рэжыме. "Атрыманыя нафтапрадукты своечасова рэалізуюцца", - удакладнілі ў ААТ.

Штодзённа на заводзе нарошчваюць выпуск бітуму. Гэты прадукт адгружаюць у кругласутачным рэжыме аўтамабільным і чыгуначным транспартам.

Мазырскі нафтаперапрацоўчы завод уведзены ў эксплуатацыю ў 1975 годзе, у ААТ пераўтвораны ў 1994-м. Асноўныя віды дзейнасці - перапрацоўка нафты, вытворчасць і рэалізацыя нафтапрадуктаў. Таварная прадукцыя Мазырскага НПЗ экспартуецца ў больш як 20 краін.

версія для друку

зрабіць стартавай

дабавіць у выбранае