Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

6 Jul 2015

Мацюшэўскі: Беларусі і Санкт-Пецярбургу трэба выпрацаваць комплекс мер па павелічэнні тавараабароту

6 ліпеня, Мінск /Юлія Огнева - БЕЛТА/. Беларусі і Санкт-Пецярбургу неабходна выпрацаваць комплекс мер па павелічэнні ўзаемнага тавараабароту. Аб гэтым заявіў сёння першы намеснік прэм'ер-міністра Беларусі Васіль Мацюшэўскі на восьмым пасяджэнні рабочай групы Савета дзелавога супрацоўніцтва Беларусі і Санкт-Пецярбурга, якое праходзіць на базе ААТ "Баранавіцкае вытворчае баваўнянае аб'яднанне", перадае карэспандэнт БЕЛТА.

"У гэтым годзе намеціўся негатыўны трэнд: тавараабарот за першыя пяць месяцаў бягучага года знізіўся на 25 працэнтаў. Нам трэба падумаць, якія прыняць меры па яго кампенсацыі і далейшым развіцці. Мэта нашай сённяшняй сустрэчы - прааналізаваць прычыны зніжэння ўзаемнага тавараабароту і намеціць канкрэтны комплекс мер па пераадоленні гэтай тэндэнцыі", - адзначыў Васіль Мацюшэўскі.

Першы віцэ-прэм'ер канстатаваў, што для Беларусі Санкт-Пецярбург з'яўляецца адным з прыярытэтных рэгіянальных партнёраў у Расіі. "У знешнегандлёвым абароце Беларусі з рэгіёнамі Расіі ваш горад традыцыйна ўваходзіць у першую пяцёрку", - падкрэсліў ён.

Сярод асноўных напрамкаў супрацоўніцтва Васіль Мацюшэўскі выдзеліў кааперацыйнае ўзаемадзеянне паміж прадпрыемствамі Беларусі і Санкт-Пецярбурга, у тым ліку стварэнне шэрага сумесных прадпрыемстваў. Таксама плануецца ўдзел беларускага боку ў мэтавых сацыяльна-эканамічных праграмах Санкт-Пецярбурга, у тым ліку ў пастаўках неабходнай тэхнікі і абсталявання з выкарыстаннем такіх фінансавых інструментаў, як лізінг і бюджэтнае субсідзіраванне. Акрамя таго, паводле слоў першага віцэ-прэм'ера, Беларусь зацікаўлена ў павелічэнні паставак прадуктаў харчавання. "Мы гатовы да супрацоўніцтва з санкт-пецярбургскімі кампаніямі па рэалізацыі ў нашай краіне серыі аграпрамысловых праектаў", - канстатаваў ён.

Васіль Мацюшэўскі звярнуў увагу і на ўзаемадзеянне ў будаўнічай галіне. "Беларускія будаўнічыя арганізацыі гатовы ўдзельнічаць ва ўзвядзенні ў Санкт-Пецярбургу жылых і інфраструктурных аб'ектаў, а таксама нарасціць пастаўкі будаўнічых матэрыялаў", - адзначыў ён. Немалаважным з'яўляецца навукова-тэхнічнае і міжрэгіянальнае супрацоўніцтва. "У наш рэгламент уключана пытанне аб правядзенні Дзён Мінска ў Санкт-Пецярбургу, якія мы лічым важным фактарам у актывізацыі нашага супрацоўніцтва. Акрамя таго, дасягнута дамоўленасць аб правядзенні сумеснага з Днямі Мінска ў Санкт-Пецярбургу чарговага пасяджэння Савета дзелавога супрацоўніцтва Беларусі і Санкт-Пецярбурга", - рэзюмаваў Васіль Мацюшэўскі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі