Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Май 2017

Мацюшэўскі: Аршанскі раён можа стаць прыкладам перазапуску эканомікі для ўсёй краіны

4 мая, Орша /Кацярына Князева - БЕЛТА/. Аршанскі раён можа стаць прыкладам перазапуску эканомікі для ўсёй краіны. Аб гэтым заявіў першы намеснік прэм'ер-міністра Васіль Мацюшэўскі сёння на рабочай сустрэчы ў Аршанскім райвыканкаме, перадае карэспандэнт БЕЛТА.

"У нас ёсць добры гістарычны шанц на прыкладзе Віцебскай вобласці і канкрэтна аршанскага куста ўнесці прапановы па перазапуску эканомікі і распаўсюдзіць потым гэты вопыт на ўсю рэспубліку, - сказаў Васіль Мацюшэўскі. - Наша з вамі задача цяпер - сфарміраваць парадак дня, дакладна сфармуляваць усе агульнасістэмныя пытанні і прапановы з аргументацыяй. Напрыклад, у частцы кіравання маёмасцю трэба прадугледзець іншы парадак і прадаставіць права прымаць рашэнні ўласніку альбо прадпрыемству. Таму рэспубліканскія прадпрыемствы лепш аператыўна перадаць у камунальную ўласнасць - на месцах лепш відаць, чым з Мінска. Не бачу тут праблемы. І тады запусцім увесь цыкл абарачэння маёмасці".

Старшыня Віцебскага аблвыканкама Мікалай Шарстнёў на сустрэчы звярнуў увагу на такія пытанні, як павышаючыя каэфіцыенты падатку на зямлю і нерухомую маёмасць, якія абцяжарваюць прадпрыемствы, развіццё Аршанскага камбіната хлебапрадуктаў, аграсэрвісаў, запазычанасць прадпрыемстваў па энергазатратах, штрафныя санкцыі, і тое, што дзеянне дэкрэта нумар 6 не распаўсюджваецца на Оршу, толькі на іншыя малыя населеныя пункты (Барань, Балбасава). Кіраўнік аблвыканкама лічыць, што трэба рабіць упор на развіцці вытворчасцей, што працуюць на мясцовай сыравіне, аднак у сферы лесаапрацоўкі для гэтага неабходна ўнесці змяненні ў заканадаўства аб выдзяленні лясных угоддзяў. У сваю чаргу Васіль Мацюшэўскі адзначыў, што цяпер ідзе абмеркаванне параметраў бюджэту на 2018-2020 гады. "Уключайцеся, гэта адкрыты працэс. Уносьце свае прапановы", - дадаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі