Бізнес-навіны

МАРГ прадоўжыў часовае дзяржаўнае рэгуляванне цэн на сацыяльна значныя тавары

Фота з архiва

16 ліпеня, Мінск /Кар. БЕЛТА/. Пастановай Міністэрства антыманапольнага рэгулявання і гандлю ад 14 ліпеня 2020 года нумар 48 прадоўжана дзеянне пастановы МАРГ аб рэгуляванні цэн на сацыяльна значныя тавары ад 15 красавіка 2020 года нумар 30. Дакумент сёння афіцыйна апублікаваны на Нацыянальным прававым інтэрнэт-партале, паведамляе БЕЛТА.

Дзеянне пастановы МАРГ аб рэгуляванні цэн на сацыяльна значныя тавары ад 15 красавіка 2020 года нумар 30 прадаўжаецца з 90 да 180 дзён. Акрамя таго, з пераліку сацыяльна значных тавараў была выключана пітная вада.

Гэта пастанова ўступае ў сілу пасля яе афіцыйнага апублікавання.

Як паведамлялася, раней МАРГ удакладніў пералік сацыяльна значных тавараў, цэны на якія ў адпаведнасці з пастановай міністэрства ад 15 красавіка 2020 года нумар 30 часова рэгулюе дзяржава. Міністэрствам была прынята пастанова нумар 45 ад 23 чэрвеня 2020 года. У адпаведнасці з ёй са сферы цэнавага рэгулявання выключыліся кава, кансервы мясныя і з рыбы, сухое малако, цвёрдае туалетнае і гаспадарчае мыла, запалкі, жаночыя гігіенічныя пракладкі, падгузкі (дзіцячыя і дарослыя), туалетная папера.

версія для друку

зрабіць стартавай

дабавіць у выбранае