Бізнес-навіны

Лукашэнка ўзгадніў назначэнне Аляксандра Саковіча новым кіраўніком БМЗ

12 мая, Мінск /Кар. БЕЛТА/. Прэзідэнт Беларусі Аляксандр Лукашэнка даў згоду на назначэнне Аляксандра Саковіча генеральным дырэктарам ААТ "Беларускі металургічны завод - кіруючая кампанія холдынга "Беларуская металургічная кампанія", перадае карэспандэнт БЕЛТА.

Кіраўнік дзяржавы пацікавіўся, як ідуць справы на прадпрыемствах, якія ўваходзяць у холдынг. Акрамя самога БМЗ, гэта таксама Мінскі падшыпнікавы завод, "Палессеэлектрамаш", Магілёўскі металургічны завод і "Кобрынскі інструментальны завод "СІТОМО", а таксама філіял "Папаратнае-Агра". "Яны ўсе дыхаюць нармальна, яны ў рабочым стане ці там праблемы?" - спытаў Аляксандр Лукашэнка.

"Яны ўсе працуюць, але ёсць шэраг праблем, якія неабходна будзе вырашаць", - адказаў Аляксандр Саковіч.

Што датычыцца Магілёўскага металургічнага завода, кіраўнік Адміністрацыі Прэзідэнта Дзмітрый Крутой далажыў, што сітуацыя там таксама патрабуе ўвагі. Нядаўна адпаведныя пытанні абмяркоўваліся на пасяджэнні выканкама. Адзначаецца зніжэнне аб'ёмаў вытворчасці, з-за шэрага прычын давялося прымаць кіраўніцкія рашэнні.

"Ты ж разумееш, што скідкі тут ніякай не будзе. Тым больш - начальнік упраўлення ўрада (Аляксандр Саковіч раней займаў пасаду начальніка ўпраўлення прамысловай палітыкі Апарату Савета Міністраў. - Заўвага БЕЛТА). Гэта значыць, адказваеш у тым ліку і за гэты напрамак. І металургічны завод наш, БМЗ, - гэта вельмі сур'ёзнае прадпрыемства. І, дарэчы, не самае горшае было. Таму трэба вырабляць і прадаваць, - даў наказ беларускі лідар. - Таму спасылак не павінна быць ніякіх. Па-мужчынску прыйшоў і пачаў працаваць. Глядзі, з кім працаваць, як працаваць - гэта ўжо твая справа".

Дзмітрый Крутой нагадаў, што яшчэ раней Аляксандр Саковіч быў намеснікам кіраўніка БМЗ, а таму ў цэлым ведае спецыфіку прадпрыемства.

версія для друку

зрабіць стартавай

дабавіць у выбранае