Бізнес-навіны

Лукашэнка запатрабаваў неадкладна разабрацца з неабгрунтаваным пасрэдніцтвам

18 снежня, Мінск /Кар. БЕЛТА/. Прэзідэнт Беларусі Аляксандр Лукашэнка запатрабаваў неадкладна ўстараніць неабгрунтаванае пасрэдніцтва. Аб гэтым ён заявіў 18 снежня, звяртаючыся з Пасланнем да беларускага народа і парламента, перадае карэспандэнт БЕЛТА.

"Праінфармую вас, што я даручыў намесніку старшыні (УНС. - Заўвага БЕЛТА) Косінцу Аляксандру Мікалаевічу неадкладна заняцца гэтым пытаннем - пасрэдніцтва. Выкараніць яго. Мы страчваем ад 30 да 50 працэнтаў у цане толькі з-за таго, што кормім пасрэднікаў. Гэта нармальна?" - крытычна заўважыў Прэзідэнт і даручыў ураду таксама неадкладна падключыцца да барацьбы з неабгрунтаваным пасрэдніцтвам.

У якасці негатыўнага прыкладу Аляксандр Лукашэнка прывёў сітуацыю з пастаўкай рэгулятараў росту для рапсу. Міністру сельскай гаспадаркі і харчавання было даручана кіраўніком дзяржавы закупіць гэтыя прэпараты цэнтралізавана і забяспечыць імі рэгіёны. "Дык ён месяцы два ўзгадняў нейкае рашэнне дадатковае, калі гэты рапс ужо вырас па калена. Гэта што, нармальная сітуацыя?" - звярнуў увагу Прэзідэнт.

версія для друку

зрабіць стартавай

дабавіць у выбранае