Бізнес-навіны

Лукашэнка заявіў аб неабходнасці паскорыць укараненне перспектыўных распрацовак у рэальным сектары

18 снежня, Мінск /Кар. БЕЛТА/. У рэальным сектары эканомікі Беларусі асабліва важна павышаць скорасць укаранення перспектыўных распрацовак. Аб гэтым Прэзідэнт Беларусі Аляксандр Лукашэнка заявіў у Пасланні беларускаму народу і парламенту, перадае карэспандэнт БЕЛТА.

Гаворачы пра нявырашаныя эканамічныя задачы, кіраўнік дзяржавы абазначыў важнасць тэхналагічнага суверэнітэту. "Асабліва важна ў рэальным сектары павышаць скорасць укаранення перспектыўных распрацовак", - заявіў Аляксандр Лукашэнка.

Прэзідэнт падкрэсліў, што краіне патрэбны праекты, якія грунтуюцца на распрацоўках і адкрыццях айчынных навукова-вытворчых школ. "Роля даганяючых асабліва недапушчальна ў развіцці мікра- і радыёэлектронікі. Задача мінімум - забяспечыць айчыннымі мікраэлектроннымі кампанентамі сваю прамысловасць і ваенна-прамысловы комплекс. Гэта ж наша тэма. Мы тут даўно працуем", - сказаў ён.

Яшчэ адна канкрэтная задача, на якую ўказаў кіраўнік дзяржавы, - гэта штогадовы выпуск новых мадэлей станкоў з праграмным кіраваннем пад поўную патрэбнасць айчынных прадпрыемстваў і выхад на сусветныя рынкі. "Мы ж машынабудаўнічая краіна. Без сучасных станкоў якое машынабудаванне? Зноў жа, наша тэма з савецкіх часоў - станкабудаванне. Таму галіновыя міністры, кіраўнікі сумесна з вучонымі павінны ўзгадніць праграмы і планы новай пяцігодкі. Да 2030 года трэба павялічыць шчыльнасць рабатызацыі да 100 адзінак на 10 тыс. прамысловых работнікаў", - адзначыў Прэзідэнт.

версія для друку

зрабіць стартавай

дабавіць у выбранае