Бізнес-навіны

Лукашэнка: тавараабарот Беларусі і Ганы не адпавядае патэнцыялу двухбаковага партнёрства

8 чэрвеня, Мінск /Кар. БЕЛТА/. Тавараабарот Беларусі і Ганы не адпавядае патэнцыялу двухбаковага партнёрства. Аб гэтым Прэзідэнт Беларусі Аляксандр Лукашэнка заявіў на перагаворах з Прэзідэнтам Ганы Джонам Драмані Махамам у шырокім складзе, перадае карэспандэнт БЕЛТА.

"На гэты момант тавараабарот паміж нашымі краінамі абсалютна не адпавядае патэнцыялу двухбаковага партнёрства", - заявіў кіраўнік дзяржавы.

Аляксандр Лукашэнка падкрэсліў, што Беларусь і Гана настройваюць на самае цеснае ўзаемадзеянне банкі і страхавыя кампаніі дзвюх краін, якія павінны забяспечыць фінансавую інфраструктуру для гандлёвых патокаў.

"Бачым вялікі патэнцыял у сферы гандлю паслугамі. Беларускія інфармацыйныя тэхналогіі, адукацыя, медыцына даступны для нашых партнёраў без якіх-небудзь бар'ераў, палітычных або экспартных абмежаванняў", - запэўніў Прэзідэнт.

Кіраўнік дзяржавы дадаў, што каардынацыяй намаганняў бакоў па нарошчванні гандлёвых сувязей і эканамічнай кааперацыі зоймецца Сумесны камітэт па гандлёва-эканамічным супрацоўніцтве ў рамках міжурадавага пагаднення, падпісанне якога запланавана ў ходзе візіту Прэзідэнта Ганы. "Прапаную не зацягваючы правесці першае пасяджэнне Камітэта, каб ажыццявіць усе дамоўленасці па выніках вашага візіту. Мы павінны мець канкрэтны план сумесных дзеянняў па развіцці гандлю паміж нашымі краінамі", - дадаў ён.

Аляксандр Лукашэнка выказаў упэўненасць у тым, што беларуска-ганскія перагаворы на вышэйшым узроўні - гэта пачатак вялікай дружбы і ўзаемавыгаднага эканамічнага супрацоўніцтва. "Шэраг тэм абмяркоўваўся крыху раней на двухбаковай сустрэчы. Прапаную цяпер у шырокім коле абмяняцца меркаваннямі па пытаннях, адпрацаваных нашымі дэлегацыямі", - сказаў на заканчэнне беларускі лідар.

версія для друку

зрабіць стартавай

дабавіць у выбранае