Бізнес-навіны
Лукашэнка: Судан стаў для Беларусі адным з важнейшых партнёраў на Афрыканскім кантыненце
17 студзеня, Хартум /Уладзімір Мацвееў - БЕЛТА/. Судан стаў для Беларусі адным з важнейшых партнёраў на Афрыканскім кантыненце. Аб гэтым заявіў Прэзідэнт Беларусі Аляксандр Лукашэнка сёння на перагаворах у пашыраным складзе з Прэзідэнтам Судана Амарам Хасанам Ахмедам аль-Башырам, перадае карэспандэнт БЕЛТА.
"Прыемна, што за мінулыя гады адносіны паміж дзвюма дзяржавамі набылі новую якасць. Судан стаў для нас адным з важнейшых партнёраў на Афрыканскім кантыненце", - заявіў Прэзідэнт.
Аляксандр Лукашэнка падкрэсліў, што Беларусь планамерна рэалізуе ўласную знешнюю палітыку зыходзячы з нацыянальных інтарэсаў, а не ўказанняў сусветных цэнтраў сілы. "Мы выступаем за развіццё адносін з усімі дзяржавамі ў духу ўзаемнай павагі, за неўмяшанне ва ўнутраныя справы і прызнанне разнастайнасці шляхоў развіцця", - сказаў ён.
Паводле слоў Прэзідэнта, мэта цяперашняга візіту ў Судан - замацаванне дасягнутых вынікаў і вызначэнне новых перспектыўных напрамкаў сумеснай дзейнасці.
версія для друку
зрабіць стартавай
дабавіць у выбранае