Бізнес-навіны

Лукашэнка ставіць задачу павысіць дысцыпліну ў жывёлагадоўлі

Фота з архiва

22 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка ставіць задачу ў бліжэйшыя гады вырашыць праблемныя пытанні ў айчыннай жывёлагадоўлі. Аб гэтым ён заявіў на цырымоніі ўручэння навуковым і навукова-педагагічным работнікам дыпломаў доктара навук і атэстатаў прафесара, перадае карэспандэнт БЕЛТА.

Кіраўнік дзяржавы канстатаваў, што сектар жывёлагадоўлі ў Беларусі крыху адстае ад узроўню работы земляробаў у раслінаводстве. Ён адзначыў, што ў бліжэйшыя год-два трэба будзе вырашыць адпаведныя праблемныя пытанні.

"Пераконваюць, што тут пытанне ветэрынарнае, яшчэ нейкае. Глупства поўнае. Пытанне нашай неарганізаванасці. Усяго ў нас хапае. Таму, часта я кажу, патрэбна арганізаванасць, дысцыпліна, выбудаваць сістэму для таго, каб захаваць маладняк", - сказаў Аляксандр Лукашэнка.

Адзін з удзельнікаў цырымоніі - загадчык лабараторыі аўса Навукова-практычнага цэнтра НАН Беларусі па земляробстве Антон Уласаў, якому прысуджана вучоная ступень доктара сельскагаспадарчых навук за стварэнне высокаўраджайных і адаптыўных сартоў аўса новага пакалення.

Вучоны расказаў падрабязнасці аб сваёй шматгадовай рабоце. Авёс часткова выкарыстоўваецца ў складзе камбікармоў, але больш нават запатрабаваны ў прадуктах харчавання для насельніцтва, уключаючы і спартсменаў. Урачы, напрыклад, рэкамендуюць ужываць авёс для стабілізацыі ўзроўню халестэрыну, прафілактыкі цукровага дыябету. А нядаўна авёс нават стаў выкарыстоўвацца ў вытворчасці папулярнай расліннай альтэрнатывы малаку.

Аляксандр Лукашэнка таксама цікавіўся ў вучонага пытаннямі ўраджайнасці, плошчаў пасеваў аўса. Па выніках мінулага года атрымана добрая ўраджайнасць гэтай культуры. Галоўнае, на што звярнуў увагу Прэзідэнт, - гэта захаванне тэхналогіі.

версія для друку

зрабіць стартавай

дабавіць у выбранае