Бізнес-навіны

Лукашэнка прапанаваў Сабяніну дапамогу беларусаў у вытворчасці аўтамабіляў "Масквіч"

23 снежня, Мінск /Кар. БЕЛТА/. Беларускія спецыялісты маглі б прыняць удзел у вытворчасці аўтамабіляў "Масквіч". Такую прапанову Прэзідэнт Беларусі Аляксандр Лукашэнка агучыў 23 снежня на сустрэчы з мэрам Масквы Сяргеем Сабяніным, перадае карэспандэнт БЕЛТА.

"Я ўражаны тым, што вы робіце ў Маскве. Нават, здавалася б, неўласцівае для вас. Асабліва апошнім часам. Калі я пачуў, што вы і беспілотнікі пачалі рабіць, дапамагаючы расійскай арміі, - гэта наогул сур'ёзны напрамак. Вельмі падтрымліваю вас у тым, што вы, махнуўшы рукой на гэтыя заходнія санкцыі, пачалі выпускаць свае аўтамабілі, якія мы некалі добра ведалі, але ўжо на больш высокім узроўні. Думаю, месца Беларусі знойдзецца ў гэтых праектах, асабліва ў плане аўтакампанентаў і іншага. Магчыма, нават і больш", - сказаў кіраўнік дзяржавы.

Прэзідэнт нагадаў, што ў Беларусі па кітайскіх тэхналогіях выпускаюцца аўтамабілі BELGEE. Прычым гэта далёка не зборачная вытворчасць. "Нядаўна Дзяніс Мантураў (першы намеснік старшыні ўрада Расіі. - Заўвага БЕЛТА) спецыяльна прыязджаў. Я Пуціна папрасіў: прышлі, няхай ён паглядзіць, мы збіраем або нешта вырабляем. Ён паглядзеў і кажа: гэта завод сапраўдны, - расказаў Аляксандр Лукашэнка. - Але вучыцца мы ў вас будзем абавязкова, таму што і "Масквічы", і іншыя аўтамабілі - гэта наша з вамі агульнае. І Беларусь таксама ўдзельнічала ў вытворчасці гэтых аўтамабіляў. Таму, я думаю, вы не будзеце супраць".

версія для друку

зрабіць стартавай

дабавіць у выбранае