Бізнес-навіны

Лукашэнка прапанаваў разгледзець магчымасць кансалідацыі ўсіх венчурных рэсурсаў пад дахам НАН

21 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка гатовы разгледзець прапанову аб кансалідацыі ўсіх венчурных рэсурсаў пад дахам НАН. Аб гэтым ён заявіў на нарадзе па пытаннях развіцця навуковай сферы і дзейнасці НАН, перадае карэспандэнт БЕЛТА.

"Шмат гадоў ідзе балбатня пра так званае венчурнае фінансаванне, якое, нібыта, у нашай краіне наогул не развіваецца. Растлумачу проста: гэта прамыя бюджэтныя грошы на распрацоўку (стартап), якая, магчыма, і не будзе паспяховай", - сказаў Аляксандр Лукашэнка.

"Калі ўжо цяпер сабраліся і павышаем ролю Акадэміі навук, гатовы разгледзець прапанову аб кансалідацыі ўсіх венчурных рэсурсаў пад дахам Акадэміі навук. Падумайце, трэба ці не трэба, і, як дамовіліся з Аляксандрам Генрыхавічам (Турчыным, прэм'ер-міністрам. - Заўвага БЕЛТА), ва ўрад унясіце прапановы, прэм'ер даложыць, - адзначыў Прэзідэнт. - З заўтрашняга дня - гэта адказнасць Уладзіміра Сцяпанавіча (Караніка. - Заўвага БЕЛТА). Ён чалавек дзяржаўны. А мы праз год ці два паглядзім, ці зрушылася нешта ў гэтай сферы, калі вы прыміце гэта рашэнне. Пры гэтым кіраўнік дзяржавы перасцярог ад карупцыі і кумаўства: "Я добра разумею права на рызыку, але за прамы крадзеж адкажаце галавой".

версія для друку

зрабіць стартавай

дабавіць у выбранае