Афіцыйны сайт Рэспублікі Беларусь
22 чэрвеня - Дзень усенароднай памяці ахвяр Вялікай Айчыннай вайны
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

12 Май 2017

Лукашэнка даручыў удасканаліць структуру сельгасвытворчасці ў паўночных раёнах Беларусі

Лукашэнка даручыў удасканаліць структуру сельгасвытворчасці ў паўночных раёнах Беларусі

12 мая, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка бачыць неабходнасць ва ўдасканаленні структуры сельгасвытворчасці ў паўночных раёнах Беларусі. Аб гэтым кіраўнік дзяржавы заявіў сёння, прымаючы рашэнні па кадравых пытаннях у адносінах да кіраўнікоў мясцовай вертыкалі ўлады, перадае карэспандэнт БЕЛТА.

Аляксандр Лукашэнка цікавіўся сітуацыяй у вёсцы, асабліва ў Віцебскай вобласці, у сувязі з умовамі надвор'я. Як далажылі Прэзідэнту, сітуацыя даволі складаная як па прычыне ападкаў, так і тэмпературы, што адмоўна ўплывае на тэмпы палявых работ. Разам з тым асаблівай шкоды пасеяным плошчам замаразкі і снег, што выпаў, не нанеслі.

"Вядома, трэба аператыўна пасеяць, але не на шкоду якасці. Гэта датычыцца перш за ўсё Віцебскага рэгіёна, - сказаў кіраўнік дзяржавы. - Але галоўнае не ў гэтым. Нам трэба мяняць севазварот. Калі ў нас ёсць раёны ў Віцебскай вобласці, дзе можна ў большых аб'ёмах вырошчваць збожжавыя культуры, то там трэба іх вырошчваць. У астатніх раёнах у кожнай гаспадарцы выбіраць толькі асобныя палі для таго, каб атрымаць камбікорм для буйной рагатай жывёлы. Усё астатняе трэба аддаваць пад травы і выпускаць малако".

Лукашэнка даручыў удасканаліць структуру сельгасвытворчасці ў паўночных раёнах Беларусі

Паводле слоў Прэзідэнта, неабходна зрабіць упор менавіта на тыя культуры, якія найбольш рацыянальна і эфектыўна вырошчваць у той ці іншай мясцовасці. Яшчэ адно даручэнне звязана з актыўным укараненнем сучасных тэхналогій захоўвання кармоў.

"Будзе вельмі сур'ёзны націск з майго боку. Я сёння раніцай размаўляў з губернатарам Шарстнёвым. Нам трэба тэрмінова змяніць севазвароты. Трэба пераходзіць на травы. Гэта маё цвёрдае перакананне. Трэба навучыцца рабіць добрыя кармы і атрымліваць ялавічыну. Вытворчасць якаснага малака вельмі рэнтабельная", - сказаў Аляксандр Лукашэнка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі