Бізнес-навіны

Лукашэнка: Беларусь падтрымлівае партнёраў з Афрыкі ў імкненні вырабляць прадукты харчавання

Фота з архiва

28 студзеня, Мінск /Кар. БЕЛТА/. Беларусь падтрымлівае партнёраў з Афрыкі ў імкненні вырабляць прадукты харчавання за кошт унутраных рэсурсаў і быць незалежнымі ад знешніх фактараў. Аб гэтым Прэзідэнт Беларусі Аляксандр Лукашэнка заявіў на сустрэчы з дэлегацыяй Панафрыканскага парламента, перадае карэспандэнт БЕЛТА.

"Робім мы гэта і будзем рабіць не толькі за кошт паставак нашай прадукцыі, але і за кошт перадачы вам тэхналогій і стварэння там адпаведных прадпрыемстваў", - сказаў кіраўнік дзяржавы.

"З 2020 года Зімбабвэ сумесна з намі паспяхова ажыццяўляе праграму механізацыі сельскай гаспадаркі. Вы павінны быць упэўнены, што мы будзем прадаўжаць такі свой рух, калі гэта вам будзе выгадна. Інтарэс да беларускага вопыту развіцця аграсектара ёсць у Егіпта, Алжыра, Мазамбіка, Эфіопіі, Кеніі, Нігерыі і іншых дзяржаў", - сказаў Прэзідэнт.

Аляксандр Лукашэнка запрасіў афрыканскія профільныя дэлегацыі наведаць міжнародную спецыялізаваную выстаўку сельскагаспадарчай прадукцыі "Белагра" ў Мінску ў чэрвені бягучага года.

версія для друку

зрабіць стартавай

дабавіць у выбранае