Бізнес-навіны

Кантракты на 6 млрд расійскіх рублёў падпісаны па выніках візіту Галоўчанкі ў Башкортастан і Пскоўскую вобласць

Фота з архiва

2 верасня, Уфа /Кар. БЕЛТА/. Кантракты на 6 млрд расійскіх рублёў падпісаны па выніках рабочага візіту прэм'ер-міністра Беларусі Рамана Галоўчанкі ў Башкортастан і Пскоўскую вобласць, перадае карэспандэнт БЕЛТА.

Сума кантрактаў па выніках візіту беларускай дэлегацыі ў Пскоў перасягнула 1,7 млрд расійскіх рублёў, ва Уфу - 4,43 млрд. Бакі дамовіліся на пастаўку для патрэб жыллёва-камунальных прадпрыемстваў Башкортастана 40 адзінак тэхнікі "АМКАДОР", у тым ліку экскаватараў, пагрузчыкаў, бульдозераў і камунальных машын. Акрамя таго, будзе арганізавана пастаўка 82 адзінак тэхнікі МАЗ - падмятальна-ўборачныя і камбінаваныя дарожныя машыны, 20-тонныя аўтасамазвалы, ламавозы і вакуумная аўтацыстэрна.

Дзякуючы заключаным пагадненням у Башкортастан у 2025 годзе таксама паступяць 150 машынакамплектаў тралейбусаў Мінскага аўтамабільнага завода і 200 трактароў Мінскага трактарнага завода, 51 збожжа- і кормаўборачны камбайн вытворчасці ААТ "Гомсельмаш".

Акрамя гэтага, падпісана пагадненне аб устанаўленні пабрацімскіх адносін паміж Наваполацкам Віцебскай вобласці і Арджанікідзеўскім раёнам Уфы.

версія для друку

зрабіць стартавай

дабавіць у выбранае