Бізнес-навіны

Тлумачэнні гасцям у час экскурсіі па комплексе даваў Надзвычайны і Паўнамоцны Пасол Беларусі ў Расіі Ігар Петрышэнка. Ён расказаў аб унікальнасці праекта будынка, этапах яго будаўніцтва і функцыянальных магчымасцях.

Сяргей Сабянін пакінуў першы запіс у Кнізе ганаровых гасцей комплексу. "Новы дзелавы цэнтр - сімвал супрацоўніцтва Масквы і Мінска", - напісаў маскоўскі граданачальнік.

Будаўніцтва Дзелавога і культурнага цэнтра пасольства ажыццёўлена ў адпаведнасці з указам Прэзідэнта Беларусі для пашырэння магчымасцей беларуска-расійскага эканамічнага і культурнага супрацоўніцтва. Яго плошча складае больш за 15 тыс. кв.м. Ён уключае ў сябе шматфункцыянальную канферэнц-залу на 240 месц, мультымедыйны прэс-цэнтр, музычна-літаратурную гасціную, бібліятэку, рэстаран беларускай кухні. Па сваіх тэхналагічных параметрах і аснашчэнні комплекс адпавядае ўсім сучасным патрабаванням для правядзення самага шырокага спектра мерапрыемстваў - ад дзяржаўных урачыстасцей, дзелавых кансультацый і перагавораў да арганізацыі прэм'ерных пастановак, канцэртных выступленняў, міжнародных сімпозіумаў.

Чакаецца, што афіцыйнае адкрыццё Дзелавога і культурнага комплексу Пасольства Беларусі ў Расіі адбудзецца 29 верасня.