Еўрапейскія гульні-2019 у Мінску
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

12 Стд 2017

Грэф адзначае ўсё большую ўстойлівасць валютнай сістэмы Беларусі да знешніх шокаў

12 студзеня, Мінск /Кар. БЕЛТА/. Прэзідэнт, старшыня праўлення ПАТ "Ашчадбанк" Герман Грэф адзначае ўсё большую ўстойлівасць валютнай сістэмы Беларусі да знешніх шокаў. Аб гэтым ён заявіў 12 студзеня журналістам, адказваючы на пытанне карэспандэнта БЕЛТА.

Паводле слоў Германа Грэфа, складаная сітуацыя ў эканоміцы як Расіі, так і Беларусі была выклікана шокавым уздзеяннем макраэканамічных фактараў, сярод якіх рэзкае зніжэнне цэн на нафту і працэсы, што адбыліся за гэтым.

"Гэты шок у прынцыпе ўжо завершаны. Палітыка Нацыянальнага банка Беларусі па пераводзе рэжыму беларускага рубля ў плаваючую валюту без прывязкі да якой-небудзь якарнай валютнай сістэмы сведчыць аб тым, што такі шок паўтарыцца больш не павінен, нават калі адбудуцца яшчэ нейкія непрадбачаныя абставіны", - заявіў ён.

Герман Грэф таксама адзначыў тэндэнцыю да зніжэння інфляцыі.

"Адпаведна, мы бачым трэнд на зніжэнне ўліковай стаўкі Нацыянальнага банка Беларусі (стаўкі рэфінансавання. - Заўвага БЕЛТА). Зразумела, што гэта не можа быць зроблена ў адзін момант, але трэнд да канца года відавочна будзе прасочвацца на значнае зніжэнне стаўкі, - лічыць кіраўнік Ашчадбанка. - Як вынік, я думаю, што да канца года крэдыты ў нацыянальнай валюце стануць больш даступнымі як для фізічных асоб, так і для юрыдычных".

"Гэта дасць свой вынік. Пачнуць інвесціравацца тыя праекты, якія раней былі недаступны для інвестараў з-за высокіх ставак. Значна больш даступным стане прыцягненне іпатэчных пазык. Мы ў Ашчадбанку ўпершыню ў канцы мінулага года знізілі стаўкі да 17,5 працэнта і адразу ўбачылі рост попыту на іпатэчныя пазыкі. А калі гэта стаўка будзе недзе 10 працэнтаў, што рэальна, пры спрыяльным збегу макраэканамічных умоў, у 2018 годзе, то гэта вельмі значна зменіць макраэканамічнае асяроддзе", - рэзюмаваў Герман Грэф.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс