Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

11 Nov 2016

Эрдаган выступае за больш актыўны прыход турэцкіх бізнесменаў на беларускі рынак

11 лістапада, Мінск /Аліна Грышкевіч - БЕЛТА/. Прэзідэнт Турцыі Рэджэп Таіп Эрдаган выступае за больш актыўны прыход турэцкіх бізнесменаў на беларускі рынак. Аб гэтым ён заявіў сёння на сустрэчы з кіраўніком беларускай дзяржавы Аляксандрам Лукашэнкам у пашыраным складзе, перадае карэспандэнт БЕЛТА.

Турэцкі лідар падкрэсліў, што ён задаволены вынікамі візіту ў Мінск і лічыць эфектыўнымі дасягнутыя дамоўленасці. З самага першага моманту знаходжання на беларускай зямлі турэцкая дэлегацыя адчувала гасціннасць прымаючага боку.

Рэджэп Таіп Эрдаган лічыць, што яго прыезд у Мінск сімвалізуе ўзаемную зацікаўленасць бакоў у далейшым пашырэнні кантактаў напярэдадні 25-годдзя беларуска-турэцкіх дыпламатычных адносін, якое будзе адзначацца ў 2017 годзе.

"Мы спадзяёмся на выхад нашых адносін на яшчэ больш высокі ўзровень", - сказаў Прэзідэнт Турцыі.

Асаблівае значэнне для беларуска-турэцкіх адносін мае адкрыццё Саборнай мячэці ў Мінску. Важным таксама з'яўляецца падпісанне цэлага пакета двухбаковых дакументаў па розных напрамках. Падпісанне дакументаў накіравана на тое, каб пашырылася і гандлёва-эканамічнае супрацоўніцтва. У прыватнасці, у час праведзеных у Мінску перагавораў размова ішла аб дасягненні двухбаковага беларуска-турэцкага тавараабароту ў памеры $1 млрд.

"Турцыя - тая краіна, якая ўклала вялікую колькасць капіталу ў Беларусь і гатова ў далейшым стымуляваць прыход турэцкіх бізнесменаў на беларускі рынак, пашыраць інвестыцыйныя кантакты", - адзначыў Рэджэп Таіп Эрдаган. Турэцкі бок зацікаўлены ў тым, каб стымуляваць інвестыцыйнае ўзаемадзеянне, якое дзякуючы падтрымцы на вышэйшым узроўні павінна развівацца яшчэ больш паскоранымі тэмпамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі