Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

1 Aug 2018

Электраматацыклы і электраквадрацыклы распрацоўваюцца ў Беларусі

1 жніўня, Мінск /Кар. БЕЛТА/. Электраматацыклы і электраквадрацыклы распрацоўваюцца ў Беларусі, паведаміў карэспандэнту БЕЛТА начальнік камерцыйнага аддзела ААТ "Прыборабудаўнічы завод "Аптрон" Нацыянальнай акадэміі навук Андрэй Падабед.

"Цяпер мы рыхтуем лінейку электравеласіпедаў, распрацоўваем канструктарскую дакументацыю для электраскутараў. Ужо гатова канструктарская дакументацыя на цяжкія электрасамакаты, сабраны макетныя ўзоры на базе нашых матор-колаў, кантролераў. Мы іх будзем, безумоўна, дапрацоўваць, удасканальваць. Акрамя таго, нас вельмі цікавяць электраматацыклы, электраквадрацыклы. Распрацоўка ўжо вядзецца, працуем над канструктарскай дакументацыяй", - сказаў Андрэй Падабед.

Беларускія вырабы індывідуальнага электратранспарту пакуль не паступілі ў продаж. "Прычына гэтага - тое, што ў нас пакуль няма серыйнага выпуску. Мы можам вырабляць пад заказ камплекты матор-колаў для электравеласіпедаў, і да нас звяртаюцца, але продаж самой тэхнікі плануем арганізаваць крыху пазней. Зборачны цэх практычна падрыхтаваны ўжо. Пытанне толькі ў тым, што нашым вырабам трэба прайсці выпрабаванні, сертыфікацыю. Пасля гэтага будзе наладжана серыйная вытворчасць, і беларускі індывідуальны электратранспарт паступіць у продаж", - адзначыў начальнік аддзела.

У ААТ "Прыборабудаўнічы завод "Аптрон" НАН Беларусі была праведзена мадэрнізацыя матор-кола для лёгкіх транспартных сродкаў, распрацаваны новы блок кіравання і праграмнае забеспячэнне. Менавіта на базе гэтага матор-кола і распрацоўваецца індывідуальны электратранспарт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі