Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

6 Май 2015

Эксперты з 6 краін абмеркавалі ў Мінску пытанні фарміравання статыстыкі дзелавой актыўнасці

6 мая, Мінск /Кар. БЕЛТА/. Першая нарада групы экспертаў па статыстыцы, створанай у рамках ініцыятывы "Усходняе партнёрства" прайшла ў Мінску 5-6 мая, паведамілі БЕЛТА ў Нацыянальным статыстычным камітэце Беларусі.

Рабочая група была створана ў лістападзе 2014 года з мэтай садзейнічання эканамічнай інтэграцыі, у тым ліку шляхам прывядзення статыстычнай метадалогіі ў адпаведнасць са стандартамі Еўрасаюза на аснове эфектыўнага абмену вопытам і перадавымі практыкамі ў сферы яе распрацоўкі і выкарыстання.

У першым пасяджэнні на тэму "Статыстыка дзелавой актыўнасці" прынялі ўдзел прадстаўнікі Еўрапейскай камісіі, Еўрапейскай статыстычнай сістэмы, нацыянальных статыстычных службаў Азербайджана, Арменіі, Беларусі, Грузіі, Малдовы і Украіны, а таксама прадстаўнікі форуму грамадзянскай супольнасці. Мерапрыемства адкрылі старшыня Белстата Іна Мядзведзева і кіраўнік прадстаўніцтва ЕС у Беларусі Майра Мора.

Эксперты разгледзелі пытанні фарміравання структурнай статыстыкі дзелавой актыўнасці, рэгламенту ЕС у гэтай сферы, прыклады аналізу структурнай статыстыкі дзелавой актыўнасці і пытанні яе распаўсюджвання. На думку ўдзельнікаў, гэта нарада будзе садзейнічаць збліжэнню нацыянальных стандартаў дзяржаў "Усходняга партнёрства" са стандартамі Еўрапейскага саюза ў галіне статыстыкі дзелавой актыўнасці.

Мерапрыемства арганізавана Статыстычнай службай Еўрапейскага саюза пры фінансавай падтрымцы Еўрапейскай камісіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі