У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

31 Сак 2015

Дзяржатамнагляд развівае супрацоўніцтва з WENRA

31 сакавіка, Мінск /Таццяна Іванюк - БЕЛТА/. Прадстаўнікі Дэпартамента па ядзернай і радыяцыйнай бяспецы МНС Беларусі (Дзяржатамнагляду) прынялі ўдзел у веснавым пленарным пасяджэнні Асацыяцыі рэгулятараў ядзернай бяспекі Заходняй Еўропы (WENRA) у Жэневе. Аб гэтым карэспандэнту БЕЛТА паведаміў начальнік аддзела камунікацый і грамадскай інфармацыі дэпартамента Алег Собалеў.

Кіраўнік Дзяржатамнагляду Вольга Лугаўская выступіла з паведамленнем аб рэгуляванні ядзернай і радыяцыйнай бяспекі ў Беларусі, у тым ліку ў кантэксце будаўніцтва Беларускай АЭС. "Па выніках далейшага абмеркавання WENRA вітала ўдзел Беларусі ў мерапрыемствах асацыяцыі, і асабліва заклікала да актыўнага ўключэння беларускіх прадстаўнікоў у дзейнасць рабочых груп, дзе выпрацоўваюцца сучасныя падыходы да забеспячэння ядзернай бяспекі", - адзначыў Алег Собалеў. Размова ідзе аб такіх пытаннях, як рэгуляванне абыходжання з радыеактыўнымі адходамі, вывад з эксплуатацыі ядзерных установак, гарманізацыя патрабаванняў да рэактарных установак.

Развіццё супрацоўніцтва з WENRA прадаўжае паслядоўныя крокі Дзяржатамнагляду па пашырэнні ўдзелу ў міжнародных аб'яднаннях рэгулюючых органаў у галіне ядзернай і радыяцыйнай бяспекі.

У верасні 2015 года прадстаўнікі Дзяржатамнагляду ўпершыню прымуць удзел у якасці наглядальніка ў пасяджэнні Форуму органаў рэгулявання краін, што эксплуатуюць ВВЭР (вода-вадзяны энергетычны рэактар. - Заўвага БЕЛТА).

"Беларусь мае статус краіны, якая ўступае ў ядзерную энергетыку. У 2018 годзе ў нас пачне працаваць першы рэактар, і статус змяніцца. Форум аб'ядноўвае дзяржавы, якія ўжо эксплуатуюць такія рэактары, і тыя, якія пастаўляюць тэхналогіі", - адзначыў Алег Собалеў. У працэсе будаўніцтва і эксплуатацыі атамных станцый узнікаюць нюансы, якія трэба ведаць іншым рэгулятарам. "Мы рыхтуемся да эксплуатацыі не з нуля, а накопліваем пэўны запас ведаў да моманту, калі пачне працаваць наша АЭС з ВВЭР", - падкрэсліў спецыяліст. Акрамя таго, удзельнікам адпаведных мерапрыемстваў прадастаўляецца магчымасць сумесна ідэнтыфікаваць праблемы і знайсці шляхі іх вырашэння.

Беларусь з 2012 года з'яўляецца членам Форуму супрацоўніцтва рэгулятараў (RCF). У рамках Форуму супрацоўніцтва рэгулятараў для Беларусі ў канцы 2014 года адбыўся візіт высокага ўзроўню па пытаннях развіцця культуры бяспекі ў ядзернай сферы пад кіраўніцтвам намесніка гендырэктара МАГАТЭ Дэніса Флары.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс