Бізнес-навіны

Дэлегацыя Малі: мы хочам без пасрэднікаў купляць беларускую тэхніку для сваёй горназдабыўной прамысловасці

5 сакавіка, Мінск /Кар. БЕЛТА/. Рэспубліка Малі мае намер без пасрэднікаў купляць у Беларусі тэхніку для горназдабыўной прамысловасці. Аб гэтым расказаў журналістам віцэ-прэзідэнт Камісіі нацыянальнай абароны, бяспекі і грамадзянскай абароны Нацыянальнага пераходнага савета Рэспублікі Малі Фусейну Уатара па выніках сустрэчы са старшынёй Савета Рэспублікі Наталляй Качанавай, паведамляе карэспандэнт БЕЛТА.

Фусейну Уатара звярнуў увагу на важнасць таго, што напярэдадні перагавораў у Савеце Рэспублікі парламенцкая дэлегацыя з Малі пабывала на некаторых прамысловых прадпрыемствах і была ўражана ўбачаным.

"У Рэспубліцы Малі актыўна развіваецца горназдабыўная прамысловасць, і мы зацікаўлены ў тэхніцы, якую вырабляюць на прадпрыемствах вашай краіны. Заводы БелАЗ, МАЗ, МТЗ - там выпускаецца менавіта тая тэхніка, якая нам патрэбна сёння", - падкрэсліў госць.

Ён заўважыў: "Сёння мы хочам наладзіць такія адносіны з беларускімі партнёрамі, каб можна было працаваць без пасрэднікаў. Каб лагістыка паставак была выбудавана непасрэдна. У кіраўніцтва Малі вялікая цікавасць да супрацоўніцтва з Беларуссю".

Гэты візіт і сустрэча ў Савеце Рэспублікі з'яўляюцца канкрэтным прадаўжэннем работы па наладжванні ўзаемадзеяння з дзяржавамі Афрыканскага кантынента. Дэлегацыя парламента Малі прыбыла ў Беларусь для таго, каб абмеркаваць шляхі і напрамкі паглыблення двухбаковых адносін.

версія для друку

зрабіць стартавай

дабавіць у выбранае