У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

30 Ліс 2016

Брэсцкая вобласць прэзентавала ў Маскве эканамічны і турыстычны патэнцыял

30 лістапада, Масква /Эдуард Півавар - БЕЛТА/. Комплексная прэзентацыя Брэсцкай вобласці адбылася сёння ў Маскве ў Дзелавым і культурным комплексе пасольства Беларусі ў Расіі. Брэстчына прадставіла эканамічны, інвестыцыйны і турыстычны патэнцыял, а таксама сваю культурную спадчыну, перадае карэспандэнт БЕЛТА.

Надзвычайны і Паўнамоцны Пасол Беларусі ў Расіі Ігар Петрышэнка адзначыў, што ў Маскве ўжо прайшлі падобныя прэзентацыі Гродзенскай, Гомельскай абласцей і Мінска. "Сёння - дзень Брэсцкай вобласці, - сказаў дыпламат. - Брастаўчанам ёсць што паказаць - патэнцыял вобласці сапраўды вялікі як у прамысловай сферы, так і ў вытворчасці аграрнай прадукцыі. Аснову экспарту складаюць мяса, каўбасы, кансерваваная рыба і морапрадукты, малако і малочная прадукцыя".

Пасол паведаміў, што Брэсцкая вобласць падтрымлівае гандлёва-эканамічныя сувязі з 79 рэгіёнамі Расіі. Найбольш актыўна гандлёвыя адносіны складваюцца з Масквой і Санкт-Пецярбургам, Маскоўскай, Смаленскай і Бранскай абласцямі. Брэстчына падпісала 18 пагадненняў аб супрацоўніцтве з расійскімі рэгіёнамі.

"Факт правядзення сённяшняга мерапрыемства ў такім фармаце наглядна пацвярджае існуючы ўзаемны інтарэс, які, паводле майго глыбокага пераканання, знойдзе сваё адлюстраванне ў рэалізацыі шэрага практычных праектаў", - адзначыў на прэзентацыі намеснік старшыні Брэсцкага аблвыканкама Міхаіл Сяркоў.

Ён выказаў упэўненасць, што эфектыўнасці інтэграцыйных працэсаў у вялікай ступені садзейнічаюць цесныя партнёрскія кантакты паміж беларускімі і расійскімі рэгіёнамі. "Добрай традыцыяй стаў узаемны абмен візітамі не толькі афіцыйных дэлегацый, але і бізнес-колаў, аграрыяў, работнікаў вытворчасці, моладзі. Як вядома, самая лепшая дыпламатыя - гэта народная", - падкрэсліў Міхаіл Сяркоў.

У час прэзентацыі былі прадстаўлены магчымасці Брэсцкага тэхнапарку, свабоднай эканамічнай зоны "Брэст", транспартна-лагістычнага цэнтра "Белтэрмінал". На выстаўцы суб'ектаў гаспадарання Брэсцкай вобласці прэзентаваны кампаніі "Санта Брэмар", "Савушкін прадукт", Брэсцкі мясакамбінат, Брэсцкі лікёра-гарэлачны завод "Белалка", канцэрн "Брэстмясамалпрам", Баранавіцкі малочны камбінат, Кобрынскі масларобна-сыраробны камбінат і іншыя.

Гасцямі прэзентацыі сталі прадстаўнікі ўрадаў Масквы, Маскоўскай вобласці, рэгіёнаў Расіі, інтэграцыйных органаў, дзелавых колаў, а таксама акрэдытаваных у Маскве дыпламатычных місій.

У час прэзентацыі ў прэс-цэнтры комплексу адбылася сустрэча Міхаіла Сяркова з прадстаўнікамі Беларуска-расійскага экспертнага клуба. Яны абмеркавалі пытанні развіцця міжрэгіянальнага і прыгранічнага супрацоўніцтва, знешнеэканамічных і рэгіянальных сувязей, пашырэння і паглыблення ўзаемадзеяння аналітычных цэнтраў у Саюзнай дзяржаве і Еўразійскім эканамічным саюзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс